الحب من اول نظرة, حقيقة ولا

ازيكم يا شباب ويا بنات احلى منتدى
يا رب تكونو بخير

انا جايب موضوع انهارده انا ماكنتش مؤمن بيه
وهو الحب من اول نظرة

دايما كنت بقول انا وناس كتير كانو مشاركنى فى الراى ده
ان مفيش حاجة اسمهاالحب من اول نظرة
كنت بقول ان ده اسمه اعجاب
وان الحب الحقيقى بيجى بعد فترة زمنية طويلة شويه

وبعدين لاقيت بعد كدة من موقف حصلى انا شخصيا ان الكلام ده غلط
يعنى لما تشوف واحدة لاول مرة فى حياتك وتبلم لها وماتبقاش حاسس بالدنيا كلها وتبقى مركز اوى فى عنيها
وتلاقى نفسك عمال بتضحك ووشك محمر
انت بالتاكيد مش مجنون
انت حبيت من اول نظرة

ولما تيجى تكلمها وانت مش حاسس بكل الدنيا
واصحابك يشورولك من وراها وانت ولا شايفهم

يبقى انت حبيت من اول نظرة

ولما تعد تفكر فيها طول الليل وتبنى حياتك كلها عليها

ده يبقى حب من اول نظرة
اكيد مش اسمه اعجاب

وعلى فكرة كل الكلام ده بيحصل غصب عنك
لان الحب شىء لا ارادى
زى التنفس فى جسم الانسان

يا رب يا جماعة الموضوع يعجبكم والله ده رايى
وانا عارف ان فى شباب وبنات كتير هيختلفو معايا