هل يجتمع الحب والانتقام معا ؟!!!!!

كنت اشاهد برنامج صبايا على قناة المحور فوجدت بنت من دسوق يتيمة تبلغ من العمر 15 سنة رمى على وجهها ماء نار ونتج عن ذلك تشوه فى وجهها واصيبت عين بالعمى والعين الاخرى ترى بها لكن رؤية غير واضحة بجد لو كنتم شفتم البرنامج منظر فظيع متتخيلهوش تبكى له الاعين.
وتتوقعوا من الذى فعل ذلك بها ابن خالها لانه كان يحبها وتقدم لخطوبتها لكنها قالت له انه تعتبره اخ لها وعندما تقدم لها شاب من قريتها ووافقوا عليه فاراد ابن خالها ان ينتقم منها فرمى عليها ماية النار حتى لاتصلح للزواج واصبحت هذه الفتاة التى تبلغ من العمر 15 سنة بدون ملامح ترقد فى مستشفى الحلمية العسكرى وهى فى حلمية الزيتون ونقلها الى هذه المستشفى برنامج صبايا وهذه الفتاة تحتاج الى عديد من العمليات لكى تصبح مقبولة الى حد ما وهى تسمى سناء احمد فمن اراد ان يتبرع لها بجزء من المال ولو بسيط جدا فليتوجه الى هذه المستشفى.

بس بجد انا اما شوفت الحلقة دى اتأثرت واستغربت جدا وقولت يا ترا فى حب يتحول لانتقام بالطريقة البشعة دى والانتقام يوصل بيهم انهم يدمروا حياة انسان ملوش ذنب لكن فى ناس قالولى فى ناس كتير بتقتل كمان عشان الحب (يعنى ممكن نقول من الحب ما قتل) لكن متهيالى دا مش حب دا مرض اللى يوصل للدرجة دى لان الحب والانتقام صعب انهم يجتمعوا مع بعض لان اللى بيحب بجد ميقدرش يشوف اللى بيحبوا بيتعذب فانا اعتبر دا حماقة وانانية بجد انا مش عارفه اعتبرها ايه عدم انسانية وفى الاخر الجواز دا نصيب يعنى لو من نصيبه انه يتجوزها كان هيتجوزها والجواز قسمة ونصيب وممكن كان ربنا يعوضه عنها بالاحسن.
فالمفروض الانسان يحاول يتسامح مع نفسه ومع الاخرين ويتجه الى ربنا لان الانتقام بيدمر صحبه وهيخلى ضميره يأنبه بس دا لو كان عندوا ضمير