ما تيجى

ما تيجي نحلم سوا
فوق عند السما
في أحضان الهوى
و ننسى الأحزان
و الجراح اللي مالها
دوا


ما تيجي نحلم ببكرة
و نبنى بيتنا
بطوبة بيضة تنور حياتنا
و طوبة فضة تزين دنيتنا
و نرسم على الحيطان
قلوب مليانة حنان
و حمامه بريئة تحسننا
بالأمان


ما تيجى ندوب الأوجاع
و نمسح الدموع
من على الخدود
و نقيد كل الشموع
نحلى بيها العيون


ما تيجي نطير من
غير جناحين
و كأننا بين قلبين
قلب مليان أفراح
و قلب يدوب الجراح
و نغني...و نقول
مواويل
طول الليل
يمكن ننام و نحلم
بحلم جميل
نصحى منه
علي يوم جديد
بصباح سعيد
و قلوب بتدعي
و تقول
يا رب الفرح جوانا
يطول
و الحزن عنا
يزول