الحب المستحيل

مش قادره اكدب احساسى

مش قادره اصدق اللى فى بالى

طيب حط نفسك كده مكانى

انا فعلا نفسى اكون مكانك

واحس اللى بتشوفيه باحساسك

بس ايه هو اللى فى بالك ؟

عنيك فى كل مكان مرقبانى

شايفاها من كل اتجاه محاوطانى

حساك كده حيران

وبنظرتك ليا هيمان

وفى بعدك عنى زعلان

مانا اصلى بحسك منى

وبخاف عليكى من ضلى

ولما تغيبى قلبى بيفضل مخصامنى

بتمنى اشوف ضحكه منك او حتى المح همس شفايفك

طب ليه دايما لضحكتى مشتاق

وبتسرق منى كلمه فى كل حوار

وتبنى عليها امال واحلام

ولما كان هنا من يومين

رغم انه اقرب ماليك

لقيتك حزين وحالك غريب

حتى من صحبك عليا بتغير؟

لانى بجد .....

خايف اقول

ماتقولش انك بتحبنى

وانك من غير عنيا تتوه

وليه متصدقيش ورافضه انى اقول

هو حبى ليكى شىء مش معقول ؟

حساك من المواجهه قلقان

لصدك واكسر قلبك

واحلامك فى الهوا تطير تبقى دخااااان

انا عايز اقرب منك وبخاف يبعدنى قلبك

ومابين القرب والبعد

اتمنى اكون انا حلمك

بس ياصحبى ما باليد حيله

ما انا شيفاك اخويا اللى مش من دمى

وجرحك منى هايكون نزيف

شايفانى اخوكى ؟

طب احاول اقرب يمكن تحسى بحبى

واكونلك حبيب

رجاء منى قبل ماتقرب

ياريتك تنسى حبى وتفكر

ماانا مش هاقدر اخسر اخ جميل

وانا مش قادر ابعد عنك

يمكن قربى يغير قلبك

انا مش قادر احسك اختى

لا اقولك ابعد بعيد

وداوى جرحك بعيد عن عنيا

وانا بجد فى دى انانيه

مش هاستحمل تعبك وانا اكون السبب فيه

ومش هاطلب منك تكون صديق ومنى قريب

ابعد وداوى جرحك بعيد عن عنيا

وانا هاتحمل خساره اغلى صديق
وانا هفضل شايفك بعنيا
مهما تكونى عنى بعيد

.......................

..................

.............

.........

.....

...

.