عروستى ( الجزء الثانى )

الحلقه التانيه



المشهد الاول



احمد: صباح الخير يا مان ازيك
بيبو: ابو حميد عامل ايه
احمد: بس انا سألتك الاول
بيبو: انا الحمد لله تمام
احمد: طيب الحمد لله
احمد: رايح النهارده؟
بيبو: متفكرنيش
احمد : حاجه تسد النفس
بيبو: حضرت بدلتك
احمد :ليه وانا رايح اناسب وزير
بيبو: عشان شكلك بس
احمد : انا هروح بترنج يا عم
بيبو: انت رايح مركز شباب؟
احمد: سلام بقى ماما بتنادي
بيبو: انا داخل احضر بدلتي سلام




المشهد التاني


احمد ...مامته

احمد: فين الفطار يا ماما
مامته : حضرت نفسك؟
احمد: احضر نفسي عشان افطر؟
مامته: لأ عشان العروسه اللي هتتقدملها
احمد: ماما انا مش عاوز اتجوز
مامته: لأ هتتجوز ورجلك فوق رقبتك
احمد: طب وهروح اتقدم ازاي بس
مامته: انا حضرتلك البدله
احمد: والنبي والنبي
مامته: بطل دلع يا احمد
احمد : طب همسحلك الشقه كل يوم
مامته: بطل دلع بقول
احمد: يوووووه
مامته: اخرس
احمد: صوتها وحش اووووي يا ماما



المشهد التالت


بيبو...باباه

بيبو: بابا هو الجواز حلو؟
باباه: لما اجرب هقولك
بيبو: نعم؟
باباه: اقصد لما تجرب هتعرف
بيبو: مانا المفروض بسأل واحد مجرب
باباه: اه حلو ان شاء الله
بيبو: انت بتثبتني؟
باباه: ياض الجواز حاجه جامده
بيبو: انت بتجيب الكلام ده منين
باباه: الجواز جامد اخر حاجه
بيبو: بابا انت هتيجي معايا؟
باباه: لازم عشان نتفق
بيبو: انا مش عاوز اتجوز
باباه: هبيتك في الشارع
بيبو: ماشي موافق
باباه: مش هخلي في الشارع مكان تنام فيه حتى
بيبو: انا داخل احضر البدله



المشهد الرابع


احمد...باسم

احمد : يا حظي المنيل
باسم: بتقول ايه يا عم
احمد: امشي من قصادي ياض انت
باسم: مش همشي
احمد : بقولك ايه انا مش ناقصك
باسم: بقولك ايه انا مش ناقصك
احمد: اووف بجد
باسم : اوووف بجد
احمد: يابني ابعد عني
باسم: يابني ابعد عني
احمد: يخرب بيت رخامتك
باسم: متغلطش
احمد : انت فاكر نفسك مين ياض
باسم: انا باسم
احمد : فكرك عشان مسنود في البلد هخاف منك
باسم: اااه
احمد: هش ياض هش
باسم: بابا بابا الواد احمد اهو
احمد: ماشي يا باسم اسيبك دلوقت نكمل لعب كوره بكرا



المشهد الخامس



بيبو...نونا...في بيتها

بيبو: اهلا اهلا نورتك طبعا
نونا: النور ده جاي من سطوع القمر
بيبو: ربنا يخليكي قمر مره واحده
نونا: القمر اللي شعاعه نازل عمودي على الشباك
بيبو: فكك بقى
نونا: كلمني عن نفسك
بيبو: انا بيبو مخلص تجاره ان شاء الله
نونا: وايه كمان كمل
بيبو: بحب الاهلي وابو تريكه
نونا: اهتمامات حضرتك ايه؟
بيبو: بهتم باللي يهتم بيا وساعات بهتم بالاهتمام
نونا: انت تكوينك الداخلي عنيف ولا مسالم
بيبو: بابا رد بعد اذنك
مامة نونا: قومي يا نونا هاتي العصير
بيبو: اهو كده الكلام..(بينه وبين نفسه)


لسه نونا بتقدم العصير لبيبو...الكاسات وقعت عليه

بيبو: يالهوي يالهووووووووي
نونا : انا اسفه حقيقي
بيبو: اسفه ازاي يعني
نونا: شعور لا ارادي انتابني اعصابي هربت
بيبو: ما طبعا لازم تهرب ..تعد تعمل ايه
نونا: تعرف ان رد فعلك كان مباغت
بيبو: بصي بصي وقعي كمان كاس شوفي رد ايدي بقى
نونا: انا اسفه يا استاذ بيبو
بيبو: بصراحه كده عاوز اقولك حاجه
نونا: المجال واسع للحديث اتفضل
بيبو: انتي لابسه جيبه تاخد اربعه معاكي
نونا : مش فاهمه
بيبو: كل ده كوم؟
نونا: الانسان مش بملابسه
بيبو: امال بأيه...بالكاتشب
نونا: لأ يا سيد
بيبو: سيد مين ؟
نونا: اقصد يا سيد بيبو
بيبو:طيب يلا يا بابا عشان تلحق تنام بدري عشان الشغل
باباه: لأ عادي انا بكرا اجازه
بيبو: طيب يا عمي احنا هنستأذن وفرصه سعيده جدااا
نونا: بيبو لما اخلص البحث هرن عليك
بيبو: هكون نمت...مع السلامه



المشهد السادس



احمد...ناريمان...والعائله...في النادي

احمد:الجو جامد طحن هنا
ناريمان: بس في زحمه اووي
احمد: ماهي دي حلاوتها ...ولا انتي ايه رأيك
ناريمان: كان نفسي نتعرف على بعض في جزيره بعيييييييده
انا وانت وسط البحر والورد والشجر
احمد: المره الجايه ان شاء الله...ده لو في مره تانيه
ناريمان: بتحب تسمع اغاني لمين اغنيلك
احمد: انتي تغني؟
ناريمان: ايوه بتحب مين؟
احمد: انتي اللي هتغني؟
ناريمان: مالك مستغرب ليه
احمد: لأ مفيش حاجه تشربي ايه
ناريمان: اشرب شاي بالقرنفل
احمد : استغفر الله العظيم
ناريمان: مالك في ايه
احمد : اطلبلك ينسون احسن يهدي الحنجره شويه
ناريمان: اللي تشوفه
احمد: كلميني عن نفسك
ناريمان: انا اللي في خيالك واللي بتحلم بيها
احمد: ماتنزلي على الارض بقى..ايه الخيالات دي
ناريمان: فاكر فيلم زبيده ثروت وعبد الحليم
احمد: اه لما مات وهي بتغنيله..اه فاكره
ناريمان: احمد
احمد: نعم
ناريمان: احمد احمد
احمد: انتي غمضتي كده ليه هتطيري ولا ايه
ناريمان: ممكن بكرا تعدي عليا بــ حصان وتخطفني
احمد: لا حول ولا قوة الا بالله
ناريمان: احمد احمد
احمد: نعم
ناريمان: احمد احمد
احمد: انا جنبك والله مش على الشط التاني انا
ناريمان: انا هنط في البيثين وانت انقذني
احمد:ده ليه
ناريمان: من زمان بحلم باللحظة دي
احمد: ولسه مغرقتيش؟
ناريمان: ايه رأيك في الطقم بتاعي
احمد: كنت لسه هقولك
ناريمان: جميل مش كده
احمد : اه ايام الثوره كان اللبس جامد
ناريمان: عرفت منين انه كلاسيكي
احمد : من ام الورد اللي عليه ده
ناريمان: شكلك حبتني
احمد : شكلي هعورك
ناريمان: انا مجنونه بيك
احمد : انتي مجنونه بنت مجانين
ناريمان: يلا يا احمد نروح الحديقه
وهووووووووووب وهما ماشيين رماها في البيثين
لكن منقذهاش...الناس قاموا بالواجب



المشهد الاخير


احمد..بيبو...على القهوه

احمد : عملت ايه يا مان
بيبو: انت عملت ايه
احمد : انا سألتك الاول
بيبو: زفت طبعا
احمد: انا ازفت منك
بيبو: هتشرب ايه؟
احمد: شاي بالقرنفل
بيبو: اختيارك غريب
احمد :ماتيجي نركب الحنطور
بيبو: ونروح مكتبة مبارك؟
احمد: اه وبعدها شبه الجزيره العربيه
بيبو: بيقولك العربيه في النمليه..والبحث غرق في الميا
احمد: انا هنط في كبايه الميا وخلي توفيق ينقذني
احمد ..بيبو...في نفس واحد....انت هتوافق.؟؟؟؟؟