عروستى ( الجزء الرابع )

الحلقه الرابعه
................

المشهد الاول
(احمد...بيبو)

.................

احمد: مبروك يا عريس مبروك يا عريس
بيبو: البدله هتاكل مني حته
احمد: بص يا واد يا بيبو بدلتي انا كمان
بيبو: اوعى وشك
احمد: انت نسيت احنا هنخطب مين؟
بيبو: مين؟
احمد: انت نسيت بجد؟
بيبو: هو احنا مش هنروح القاعه ونختار هناك؟
احمد: ده انت يومك مش فايت
بيبو: خليها على الله
احمد ونعم بالله.....يلا بقى عشان نروح نجيبهم من عند الكوافير
......................

المشهد التاني
(الأربع تحف)

.......................
احمد: زغروطه والنبي يا ناريمان
ناريمان: انا مش مصدقه نفسي
احمد: زغروطه طيب
ناريمان: انا بحلم ولا بيتهيألي
احمد: يا حاجه مكنتش زغروطه
ناريمان: لولولولو
احمد: لولو؟؟؟؟
بيبو: ههههههههههههههههههه
احمد: قال لولو قال
نونا: بسسسسسسسسس
بيبو: هو ايه اللي بس؟
نونا: تلوث ضوضائي رهيب
بيبو: فكك بقى ده النهارده جنازتك اقصد فرحك
نونا : انا نسيت النضاره جوه
بيبو: انتي هتلبسي النضاره النهارده؟
نونا: طبعا
بيبو: انتي شايفاني؟
نونا: لأ
بيبو: عديها على خير يارب
احمد: العربيه وصلللللللت يلا
ناريمان: انا عاوزه اركب حنطور لحد القاعه
احمد: على اساس اني سعد الصغير؟
ناريمان: بعشقك
احمد: واقعه واقعه يعني

......................

المشهد التالت
.....................
(الفرح)

وبدأ الدي جيه

احمد: رقصني يلا يا بيبو
بيبو: ارقص مع عروستك عيب كده
احمد: دي عازمه ناس قديمه اوووووي
بيبو: التانيه عازمه مراكز البحوووث كلها
احمد: اديلوا ادي
بيبو: اه بحوث على اساس اني فار
احمد: انا مبسوط مش عارف ليه
بيبو: يلا اي هبل وخلاص هي شايفه حاجه؟
احمد : انت عارف انا معنديش مشاكل
بيبو: ازاي؟
احمد: انا هفسخ الخطوبه بكرا الصبح
بيبو: هههههههههههههههه
احمد: ليلتك ناديه
بيبو: ليلتك شاديه

الدي جيه: العروسه نونا تطلب اغنية ايه؟
نونا: احب اسمع موسيقى العلم والايمان للدكتور مصطفى محمود
بيبو: والله ماهي شغالهم....انتي طالق
احمد: اهدى بس يا بيبو
بيبو: العلم والايمان ايه بس...استغفر الله

الدي جيه: العروسه تطلب اغنيه ايه؟
ناريمان: اسمع اي اغنيه لأسمهان
احمد: اسمهان في عينك يا شيخه هتنيمينا معاكي
مفيش اسمهان....وبعدين مفيش سي دي ليها
بيبو: اهدى يا احمد
احمد: اسمهان دي اخت شعبان عبد الرحيم؟

بيبو: الحق يا احمد..نونا نامت؟
احمد: يا نونا اصحي ده فرحك مش فرح اختك
بيبو: يالهووووووووووووي
احمد: هنصحيها اصبر
بيبو: يالهوووووووووووي
احمد: يا واد مماتتش
بيبو: مكنش يومك يا نونا يا بنت المجنونه
احمد: يا واد اهدى
نونا: في ايه انا عايزه اروح عندي بحث مهم بكرا
بيبو: فين الرقاصه يا احمد
احمد: اهي جت اهي جت
بيبو: يلا نرقصصصصصصصص
احمد: قومي يا ناريمان
ناريمان: حاضر حاضر
احمد: يا صباح العبط هو ده رقص
بيبو: قومي يا نونا ارقصي
نونا: عاوزني انزل بمستوايا الثقافي والانساني
بيبو: انساني وخد عنواني
احمد: هههههههههههههههههههه
نونا: الرقص ده فن هابط ساقط
بيبو: ساقط من الدور الرابع ولا الخامس
احمد: هاهاهاهاها
ناريمان: احمد حب فيا شويه
احمد: عيييييب...لما نتجوز
ناريمان: انا مش مصدقه نفسي
احمد: اه انتي بتحلمي ولا بيتهيألك
احمد: وعاوزه حصان وحنطور
بيبو: هاهاهاهاهاها
احمد: جوازه منيله
بيبو: زفتتتتتتتتتت


ودي اغنيه الفتها عشان تتغنى في فرح كئيب زي ده

اسمعوا وعو وياريت توسعوا
وياريت نونا وناريمان يفلسعوا
واللي يقرب من احمد وبيبو
اكيد النار في ثانيه هتلسعوا

مكانش يومك يا بيبو
عروسته بتنام وتسيبه
مكانش يومك يا احمد
عمال بالطلاق بتحلف
عروستك جايه من المتحف