عروستى ( الجزء الخامس )

الحلقه الخامسه






المشهد الاول
احمد: ايه يا واد يا بيبو انت صحيت؟
بيبو: امال انا رديت عليك ازاي
احمد: انت برضه هتخرج معاهم
بيبو: اه وانت كمان جاي
احمد: استحاله اخرج معاها
بيبو: اعتبره يوم في السجن واتقضى
احمد: لأ يا عم السجن ارحم
بيبو: يا عم تعالى نجرب
احمد: طيب انا هلبس ونازل

المشهد التاني
احمد: ايوه يا بنتي لبستي؟
ناريمان:بصراحه مش لاقيه طقم يليق بالخروج معاك
احمد: يا فتاح يا عليم يا رزاق يا كريم
ناريمان : عماله اختار ما بين ده وده وده
احمد : انتي هتعيشي دول هما طقمين اللي عندك
ناريمان: لأ انا نزلت البدروم بدور في دولاب تيتا الله يرحمها
احمد: نعم........
ناريمان: دي كان عندها لبس تحفه
احمد :صبرني يا رب
ناريمان: انا خلاص اخترت الطقم ابو ورده منقرشه
احمد: منقرشه؟؟؟؟؟؟؟؟؟؟؟؟
ناريمان: اااه احسن من ابو ورده منقطه
احمد: هقابلك في التربه...اقصد عند محل الكفن..يووه اقصد عند البنزينه
ناريمان: طيب يا حبيبي


المشهد التالت
بيبو: ايه يا نونا لبستي؟
نونا: اه انا لبست اي حاجه بصراحه مكنتش فاضيه
بيبو: بلاش تيجي بالنضاره المره دي
نونا: واشوف ازاي؟
بيبو: ممكن سؤال
نونا: اتفضل
بيبو: هو انتي مش بتشوفي غير بالنضاره
نونا: طشاش
بيبو: طشاش؟؟؟؟؟؟
نونا: ياريت يا بيبو مش نتأخر عشان عندي مزاكره
بيبو: وتاعبه نفسك ليه ما تعدي احسن في البيت
نونا: لأ انا عاوزه ادور على فار عشان اعمل عليه ابحاث
بيبو: انتي نازله تقابليني ولا تقابلي فار؟
نونا: انت طبعا بس ندور سوا
بيبو: ربنا يشفي كل فار ويجننك اكتر

المشهد الرابع
احمد: تحبوا تروحوا فين
بيبو: ديسكو تيك
نونا:البيت
ناريمان: اي مكان صحرا ان كام او بستان
احمد: تعالوا نروح الازهر بارك
ناريمان: يا نهاري ياني على الاماكن الحلوه
احمد: ايه يا بنت انتي واقعه كده ليه
نونا: انا افضل ايضا هذا المكان
بيبو: وانا افضل ايضا

المشهد الخامس
ناريمان: بليز يا احمد مرجحني
احمد : اطلعي من دماغي دلوقتي
ناريمان: والنبي والنبي
احمد: تعالي...ذنبك على جنبك
ناريمان: براحه يا احمد هقع
احمد: مانا عارف انك ممكن تقعي
ناريمان: انت يا مجنون
احمد: اللي بيحب حد لازم يتمرجح عشانه
ناريمان: هققققققع
وهووووووووب...وقعت

المشهد السادس
بيبو: يا نونا انتي فين
بيبو: يخرب بيتك انتي فين
احمد: في ايه بس هي راحت فين
ناريمان: ااااه يا رجلي
نونا: ايوه يا بهاء انا هنا
احمد: روحلها مش ناقصين
بيبو: كنتي بتعملي ايه
نونا: بتدور ع فار
بيبو:حرام عليكي والله
نونا : في ايه بس
بيبو: في نكد عليكي ان شاء الله
نونا: بيبو احنا اتفقنا ان ارتباطنا لا يعوق طريق دراستي
بيبو: فار؟
نونا: وماله الفار
بيبو: انسان محترم طبعا...ده انا لو تهت مش هتدوري عليا كده
نونا : يووووووووووه
ناريمان : اااه يا ايدي
احمد : كان يوم اسود لما خطبت
بيبو: فاااااااار؟؟؟؟؟؟؟