ابعدي عن اخويا و فارقينا ياريت

كان بيحلم بيكي و ببيت صغير قدكم
بعيشة راضية و بحب يكبر وسطكم
و ملاك برئ زي القمر دي بنتكم
تبقو حياته و ضي عينيه و يتعب عشانكم كلكم

قوليلي عايزة تاني ايه
كان جزاءه انك سيبتيه
كان فيوم قلبه في ايديكي و انتي اخترتي تضيعيه
اتعذب منك كتير و ياما احتاجلك تسمعيه

بجد كنتي هتبقي خسارة ليه

مش هقوللك هتندمي .. بالعكس .. انا عايزاكي تنسيه
بس ماترجعيش تحلمي لانك مش هتلاقيه
احب اقوللك خلاص كفاية و قلبك هو خلاص نسيه
خلاص خلصت الحكايه و فاق من اللي هو فيه
حَبك صحيح دا كان زمان .. ياريت دلوقتي تيجي تشوفيه
بقى حد تاني احسن كتير و داوى الجرح اللي سببتيه
عايش حياته و عايش لبكرة و شايف الخير اللي مستنيه
ايامه الجاية هتبقى احلى و هيلاقي اللي تنفع ليه
و تشغل قلبه و تملا حياته و تبقى بجد لايقه عليه
فارقينا ياريت و شكرا اوي.. كفاية علينا اللي عملتيه