شايف فيكي كل اللي حلمت بيه شايف فيكي الاماني الممكنه

شايف فيكي كل اللي حلمت بيه شايف فيكي الاماني الممكنه
شايف قلبي لقلبك رايح ليه بيحبه ودايما فاكره وناسيني انا

شايفك بعيده اوي ولكن مني قريبه اوي شايفك في احلامي
ساكنه جوه مني ولا عمرك غيبتي عني عايشه في ايامي

ومستني الحقيقه تبان والمس ايديكي وتحسي حبي في عيوني
مستني اليوم اللي اشوفك فيه وتشفيني من حيرتي وهيامي وجنوني

بس دايما ده سؤالي ياتري ردك ايه علي حبي وانشغالي بيكي
هتقولي اه ولا هتحرميني منك واعيد الحلم من جديد وابكي عليكي

حيره ما بعدها حيره حاجات كتيره في جوه مني اسيره واه تعباني
مليون فكره واحلام شارده خطره بتهد فيا عليا قادره وجارحاني

وبقول الاه من حبي بدعي علي قلبي بسأله ليه باللي مش قده بتحلم
بكلمه واحايله مصعبتش عليك يقولي مهما تقول انا علي حلمي مصمم

وبكره اطول وحلمي انول وايه يعني لو قالت لا في غيرها بدال الميه الف
لو كانت هيا يبقي اتحقق حلمي وضحكتلي الدنيا ولو لا اديني بدور وبلف

يارب شايفها كل اللي حلمت بيه وشايف فيها كل الاماني الممكنه
شايف قلبي لقبها رايح ليه بيحبه ودايما فاكره وناسيني انا

يارب بيها اكرمني وبحبها كافئني دي هيا اللي اتمنتها تكون حلالي
صبرت كتير وشوفت كتير حبوني بس هيا اللي بحلم تكون ام عيالي

**********************
بحلم ويحلالي وامتي هتتحقق امالي وتظهر اميرتي
اللي شاغله بالي ومغيره حالي وهي سبب حيرتي
**********************

A.Totti Is The King