هتعرفى قمتى ..

مش زي اي حكايه بتنتهي هقول عليكي خاينه
هقول عليكي انسانه تافهه معرفتش بحبي تتهني
كان حب اكبر من اي كيان
كان نور وشمس وزمان
واديكي ضيعتيه من ايديكي وبقول لروحي مخسرتش يا انا

انتي اللي خسرتي ومن بعدي ضيعتي صعبانه عليا
ايوه صعبانه عليا ما كنتي حبيبتي وحلم جميل عايش فيا
كان همي مصلحته
وياما كتير نصحته
لو في يوم بيعتني هتبكي عنيك من قبل ما تبكي عينيا

وبكره الايام تثبتلك وتأكدلك ان قرارك كان غلط يوم ماسبتني
وهتأكدلك انك من بعدي ضيعت من بعد ما سيبتني وودعتني
ايوة كتير هتخسر
وخسايرك هتزيد وتكتر
وساعتها هتعرف قيمتي هتعرف قيمه حب ملكته وملكتني

يلا مع السلامه متفكرش فيا تاني حتي لو كنت في احزانك غريق
مانا من النهارده مش ليك هبدأ من جديد ومن حبك انا برئ
هعيش لنفسي بقي
وهنسي ايام اللقي
ايام بجد كنت مخدوع فيها وكان واخدني ليها قلبي الجرئ