قبل ما تنكري اللي بينن

انا اللي غيرتك....كبرتك....احترمتك....قدرتك

لونت كل ايامك....حققتلك احلامك....خففت عنك الامك....ورضيت اتعب عشانك
انا اللي غيرتك كده...وصلتك لـــ كده....لحد ما بقيتي كده.....طارداني من احضانك

تسلمي..........ابتديتي تتعلمي....درس عمره ما جه في بالي
تسلمي..........ابتديتي تفهمي....درس غاب عن عيني ليالي

كل اللي صعبان عليا....دمعه بتستخبى فيا....اخلاصي وحسن النيا.....ندمي وكل اسفي
مين كان زمان يشوفك...ضحكتي عليا بظروفك....بكسوفك وخوفك....قدرتي تكسبي عطفي
حبي ولهفتي عليكي....شوقي وحنيني ليكي.....زرعت الطمع فيكي.....وانتي نايمه على كتفي
غريب طبعك وتفكيرك....لما تصغري كبيرك....وتحاولي ترضي ضميرك....كل الكلام مش هيكفي

قبل ما تنكري اللي بيننا....وتقولي انتي مش عايزاني
طب كان ليه لما اتقابلنا....كان باين ليا كلام تاني
عالعموم وده شئ يرجعلك....انا مش هضعف ولا هتألم
ولا هرجعلك يوم ادمعلك....مانا اصلي بقيت منك بتعلم