حكايه قلب ( الحلقه السابعه )

............ الح ـلقة السابعة ........ .. اخر سنة جامعة ..


بدات اخر سنه .........حاسسها وداع لكل الزكريات اللى كانت هنا
يااااااااه مروا الاربع سنين بالسرعة ديه والغريب انى ملائيتش الحب اللى بدور عليه
ممكن اكون عشت وقت لطيف جميل لكن محسيتش حب حقيقى
كل اللى حواليا حصل لهم نفس اللى حصل لى الكل مر بتجارب والكل خرج منها بفشل والكل برده عايش
يوم عندى ابتسامة ويوم عندى دمعه ويوم عندى ندم .........
والغريب ان الكل بيمر بنفس التفاصيل
الظاهر فعلا احنا لسه صغيرين.....ممممممم
مش عارف ياترى صغار فعلا ولا قله خبرة ولا المشاعر لسه بتتكون وقادرة تتغير من لحظه للحظه.....؟؟؟؟؟؟
المهم كلنا بنضحك وفى نظرة عنينا دمعه على فراق ... جى غصب عننا كلنا فين الفطار واحنا مع بعض والسينما واحنا مع بعض والهزار والنكت والمواقف اللذيذة ... كل ده خلاص العداد بيعد تنازلى وحيخلص وحنرجع للارض الواقع بعد 4 سنين احلام وقصور وامنيات والكل حاسس انها حتكون اصعب لحظه فى الدنيا او عالاقل حتتغير حاجات كتير بعدها...!!
الكل بيستعد لارض الملعب ....اكبر ملعب الحيااااة...

المهم.........!!!

الشلة لسه متجمعه الكل حابب الكل..... الكل حافظ عالكل.... حتى التجارب الفاشله مفرئتناش
هداية..... لسه بتحط مانيكير الوان مختلفه كل صبااع بلوون.....؟؟؟؟
رحااب...... رجعت للكوتشينه والقطط......؟؟؟؟
محمد.... زى مهو وسط البنات والاصحااب الاستايل.....؟؟؟؟
نسرين .....سابت ايهااب
منى.... بتشرب سجااير
شريهان.......حامل لتانى مرة وسابت الكلية منعرفش غير اخبار البيبى بس......؟؟؟؟

ونلف نلف ونرجع لبعض تاانى ننجرح ونفرح عايشين مع بعض ........
اول واغرب اشتغاله جت فى اول السنه
بنت كلمتنى عالنت اسمها روبى ... بعتت اضافه ولما كلمتها قالت اسفه اصلى كنت بضيف ايميل ابن عمى وكتبت ايميلك جت غلط.....؟
بدانا نتصاحب ونتكلم كل يوم
روبى بترجع من الجامعه وانا كمان نتكلم برجع بسرعه اوى عشان اكلمها بسهر اتكلم معاها استمر الوضع ده 4 شهور..!

اصبحت روبى محور اهتمامى ومركز لكل افكارى لائيت بنت اولا رقيقه محترمة جدا بتدرس فى نفس كليتى........
.فهمانى تقريبا حتى الحجات اللى بحبها بتحبها زى تمام ...... لينا كلام حاسس اننا احنا اللى حطيناه على خريطة الحروف حاجات كنت بقوولها كتير لكن عمرى محسيتها ولا حسيت حلاوتها..........حتى الحروف البسيطه حبيتها بلون كتابتها.......
.بدات احس نفس الاحساس الجديد............ايااه
فرحة غريبه وقلق ووووضحك على زهق غريب وفى غير معاده.......ممممممم

خلاص حاسس انى حبيتها فعلا او عالاقل صورتها بقت شغلانى ......!
عايز اشوف الانسانه اللى شغلتنى كل الوقت ده...؟؟
فيه انتظار ممل غريب للانسانه ديه اكتر من اى بنت حسيت ناحيتها بحب او اعجاب
الاعجاب هنا من نوع جديد اعجاب بروح واخلاق وشخصية كان ممكن تكون غير كده نهائى بالنسبه لى لانى بكلم بنات كتير......
وعلى اد ما الكل بيحذر من النت ........كنت حااسس ان مليش ارادة فى اختيار نهاية القصة
لانى عامل زى اللى نزل بحر مبيعرفش يعوم فيه....؟؟؟؟؟؟

صعب ........بجد صعب .........خايف اشوفها محبهاش وارجع اقول انا حبيت روحها قبل ما احبها وده اعمق بكتير..........
ياترى بقنع نفسى لانى فعلا عايزها؟...مش عارف
حسيت اد ايه النت غلس وانه فعلا قمااار...........ازاى بنقدر نتعلق كده بانسان مش شايفينه ولا حاسين ملامحه وفكرت كتير انه مش حب .... وانه صعب جدا احب حد مشفتوش......الحب يعنى عين +اذن ....وهنا المعادلة مختله او مدمرة لا عين ولا اذن بل بالعكس حرف وحرف اصبحوا كلمة والكلمة نقشت جو القلب طريق ....خايف يبقى جرح......
بدات احس انى مدمن وتعبان لانى صممت مكلمهاش وفعلا مكلمتهاش اسبوع لكنى قضيته بدون نوم.........حيران تعبان عايز اكلمها كانى فعلا مدمن منعوا عنه المخدر..............
وبدات اتخيل لو هى ديه زوجتى انى لو حبيت اقول لها بحبك حكتبها مش حنطقها اد كده وسيله الحب هنا غريبه وتطلعاتى فيها غريبه
لان وسيلتى فيها الكتابه حسيت انى بحب بدون صوت
بدا كل اصحابى القريبين يسالوا عن روبى............اخبارها ايه؟؟ وانا ساكت وحيران وتعبان وخايف ويمكن عليها اكتر منى لانى حاسس بحبها ليا فعلا وهى نفسها خايفه نفس الخوف...............مش عارف تعبان بجد من كتر التفكير............؟؟؟؟؟

والنهاردة....................

كلمتها وطلبت انى اشوفها لكن رفضت لانها بتقوول افرض انى انسانه مش حلوة خالص..!
وهنا صارحتها انها حتى لو كانت اى شئ ...!؟
ميهمنيش لان الموضوع بالنسبه لى خرج عن نطاق الصداقه .....؟؟؟؟؟؟؟؟؟

الامتحانات بتقرب وانا اعصابى فعلا منهارة عايز اشوفها واكلمها قبل ايام الدراسة
ما تنتهى
لانى عايز ازاكر وفعلا مش عارف اركز ........ياترى ممكن تكون ديه حبيبه عمرى...............؟؟؟؟؟؟؟؟
هى وافقت على اخر يوم الامتحان...................بدات ازاكر واستنى وادعى الايام تقرب
اكبر مفاجأة فى حياتى...........شفت روبى؟؟؟؟؟؟؟؟؟؟؟؟؟

الانتظار ممل

الوقت بيمر بصعوبة

الثانيه سااعه

ممممممممممممممم

جت

كلمتنى عالتليفون

قالت ثوانى وحتشوفنى ادامك




............. رحاااااااااب .................

احساسى هنا بقى شئ غريب..................
رحاب زميلتى وبس...
فى يوم وقفت جمبها عشان الغدر اللى عاشته.........
عارف انها بنت زى العسل امورة....
.بنت ناس لكن غريب عليا اوى انها تطلع هيا..........
كانت صدمة
وهى نفسها حست بكده ...... يمكن متكلمناش ولا كلمة
فضلنا باصين لبعض
ومشينا منغير ولا كلمة
يااااااااااااااااااااااااااااااااااااااة.........
النت ياما بيشيل لينا حاجاات ..!؟
تتوقعوا اية اللى ممكن يحصل الحلقة اللى جاية ..!

**********