خسرانه

اللعبه خسرانه....والحسبه خسرانه....عايشين جوه حكايه....معظمها خسرانه
بــ الجمع بــ الطرح.....بــ الحزن بالفرح......بــ الهم بــ الجرح.......كلها خسرانه
بـ المكان والزمان...بـ الامان والحنان...بـ الحظ والرهان.......كل حاجه خسرانه

اشواقي ليكي وتضحياتي
قراري اني اقدملك حياتي
كلمات الشكر وتحيااااتي
خسرانه

خوفي من بكرا عليكي
لما عيني تنام في عينيكي
ايديا اللي بتحضن ايديكي
خسرانه

بتأسف لو عشت انا بنزف....في مشاعر وكلام حب اتقال
بتأسف على اكتر من موقف.....اسف بجد على كل حال
انا جايز مقدرتش اتصرف.....في حاجات كان فيها احتمال
بس خلاص بقيت انا بعرف....افصل ما بين حقيقه وخيال

لكن ياترى مين فينا خسر
مين الي عاش ومين انكسر
وشك كان ولا وش القمر
بشوفه كل ياما وياما

كنت انا بحفر وسط بحور
كنت انا ببكي ايام وشهور
مين بقى بكرا عليه الدور
تزوره الابتسامه

اللعبه خسرانه....والحسبه خسرانه....عايشين جوه حكايه....معظمها خسرانه
بــ الجمع بــ الطرح.....بــ الحزن بالفرح......بــ الهم بــ الجرح.......كلها خسرانه
بـ المكان والزمان...بـ الامان والحنان...بـ الحظ والرهان.......كل حاجه خسرانه


--------------------