الى كل من يريد ان يقول بحبك ولخمة (( درس مجانى ))

اولا هنيجى للشخص اللى بيحب واحده ومش قادر يكلمها ؟؟
هقولك على حاجة انت عارف انت ايه ؟؟؟؟ انت جبااااااااان وخجول وضعيف ومش جرىء خالص
متزعلش منى دى حقيقتك وعارف ان سبب جبنك ده وضعفك ده هيوديك فين هتقولى اه عارف هقولك سورى تبقى حمار لانك مش عارف عشان لو تعرف مكنتش تبقى ضعيف وخجول كده
كل الصفات اللى انا قولتها عليك دى عارف هتعمل فيك ايه اول حاجة
1- هتضيع منك حبيبتك اللى انت بتحبها ومتعلق بيها ومش قادر تستحمل بعدها عنك يوم ومتقدرش متشوفهاش لو للحظة حتى ......
2- هتخليك فى حزن دايما ولوم لنفسك وهتقول انا ضعيف كده ليه انا مش راجل هتخليك فى مجاهده مع نفسك وتقول ليه مكنش زى اى حد زى اى اتنين بيحبوا بعض
3-هتشتت عقلك عن الدراسة او عن اى عمل بتقوم بيه وهتقعد تفكر فى مجرد احلام انا لو كلمتها ايه اللى هيحصل يااااااااه ممكن امسك ايديها واقولها بحبك وهى كمان تقولى بحبك اكيد هتتحسر ان ده انت مش قادر تعملة
4- ممكن تخليك على طول فى خنقة وتخليك تسمع اغانى حزن والكلام الفاضى ده
انا انهرضا معايا الحل
لاى واحد بيحب واحده ونفسى يعرفها بس خدوا بالكوا معلش
فى واحد بيحب واحده وهى مش بتحبة
وفى بيحب واحده وهى مجرد معجبة مش اكتر
وفى واحد بيحب واحده وهى بتحبة ومتأكد من كده مليون فى المية

بص يا برنس الليالى
انا هتكلم عن اخر واحده دلوقتى والاتنين لينا موضوع تانى هنتكلم فيه
هنتكلم عن اللى بيحب واحده وهى بتحبة وهو متأكد من كده عن طريق افعالها ونظراتة ليه والحاجات اللى احنا عارفنها بتبين الحب دى ههههههههههه
خدوا بالكوا انا هتكلم فى اطار الحب بين الاتنين ,,,,,,,,,,,,,,,,,,
البنات انواع ...........( بص انا همشى معاك خطوة بخطوة)
فى البنت الجريئة ... الطيبة ..... اللى عمرها محبت ولخمة ......
وطبعا فى انواع كتير اوى من البنات

البنت الجريئة هى انسانة عادية بس عندها كمية من الجراءه ممكن لما تلاقيك لخمة تحاول هى تكلمك تعمل اى حوار معاك لغاية لما انت تعترف ليها وهى كمان تعترفلك والنوع ده بيساعدك اوى فى موضوع الاعتراف بالحب يعنى مش هتلاقى مشاكل خاااااااااالص حتى لو كنت لخمة اما الانواع التانية
البنت الطيبة اللى هى غلبانة اوى وانا بحب النوعية دى اللى تلاقيها يا عينى بتعملك المستحيل وتبصلك كده وتضحكلك وتحسسك انها مهتمة بيك النوعية دى تعتبر فى المرحلة التانية فى السهولة فى الكلام يعنى اى كلمة منك ليها هتجيب استجابة على طول بس خد بالك النوعية دى استحاله هما اللى يكلموك وياريت تفهم كلامى وتقارن لازم انت اللى تتكلم بس اعرف ان اى كلمة هتجيب على طووووول لانها بتكون بتتمنى وافتكر انى بتكلم بين اللى بيحبوا بعض
اللى عمرها محبت ولخمة
هنا بقا اللعب كله ههههههههههههههه لان النوعية دى من البنات هى اللى بتخلى الشاب الخجول فى ورطة لانة هو متنيل بستين نيلة وخجول وهى كمان مش فاهمة ولا الهوا ولبخة وتودى فى داهية فهنا بقا لازم اققول العلاج للشباب التعبان اللى هو مش جرىء خالص وعلى فكره انا مش بحرض الشباب هههههههههههه انة هنا المفروض يتعلم بقا يعمل ايه مع النوع ده وبشكل عام يعمل ايه الشباب عشان يتخلصوا من المرض اللى فيهم ده وخوفهم ويتغلبوا عليه .......
انا هقول بس لو معملتش بيه هتفضل طول عمرك جبان وانسانى وخد عنوانى اانا مليش ارقام عشان تتصل بيا ههههههههههه
اول حاجة
متفكرش فى النتايج ايه اللى هيحصل لو كلمتها لان ده هيأثر بنسبة 70% على اتخاذك للقرار انك تكلمها ولا لا يعنى نسبة كبيره اوى
يعنى لو فكرت وحطيت فى دماغك انك ممكن تكسفك تبقى حمار ولو فكرت انا خايف لتقولى حاجة تانيه او تصدمنى وده بيتهيئلك مع انها بتحبك بس بيتهيئلك عشان انت خايف وجبان
يبقى اول حاجة ركز معايا متفكرش فى اللى هيتقال اذا كان حلو او وحش
تانى حاجة واهم حاجة متحضرش كلام يتقال لو حضرت تبقى حمار سورى يعنى بلاقى عيال صحابى يقولوا طب اخش اققول ايه هههههههههههه والله انت مجرد متقف قدامها وفعلا بتحبها بجد هتلاقى قلبك اللى اتكلم مش بوقك يبقى متفكرش فى الكلام اللى هيتقال
تالت حاجة قول لنفسك انك لو مكلمتهاش ومعرفتهاش بالحب ده ممكن تضيع منى وشوف بقا لو انت بتحبها وهى ضاعت منك هيحصلك ايه ههههههههههههههه هتعيش على مصطفى كامل وتقرفنا معاك
بعد كده فكر لو كلمتها وعرفتها بحبك ده هتعيش ازاى سعيد وساعتها حبك هيطلع للنور .. خد خد تعالا هنا استنى انا لسة مخلصتش كلامى ,,,,,,,,,,,,,
وطول ما انت نيتك سليمة وطالب من ربنا انه يوفقك بين اللى انت بتحبها وبتحبك يبقى توكل على الله واتصل بيا معايا رقم المأذون
على فكره فى كلام تانى لسه متقلش طبعا هينزل فى موضوع تانى بس اما نشوف الاول
هيجيب نتيجة ولا هتفضحونا مع الموزز هههههههههههه