لو تعرف .. يا حبيبي

لو تعرف .. يا حبيبي

لو تعرف قلبي من قبلك .. ازاي انا عشت اداريه
خايف من جرح ملوش اخر .. خايف من الظلم عليه
لو تعرف ازاي حبيتك .. وازاي انا من قلبي هويتك
ماصدقت حبيبي ألاقيك .. وفى حضني من الناس خبيتك
-
لو قلبي هويته ليه .. ساكت ومداري عليه
انا قلبي عملك ايه .. علشان تجرح فيّـا ؟؟
-
لو كنت بتحبني .. طب ليه يا حبيبي سبتني
ارجعلى .. جننتني .. وكفايه بقى عليـّـا !!
-
لوخايف مني هتبعد فين .. هتلاقى زييّ يحبك مين
هيشيلك جوه رموش العين .. انت مخلوق ليّــا !!
-
لو نفسك في الجنه تعيش .. وف حب مبينتهيش
تعالالى غيرك انت مليش .. داوي جراحك بيـّـا !!
-
لو تعرف .. ايه جوايا
وازاي حبك .. ده منايا
كان همّـك يبقى رضايا
كان حلمك تبقى معايا