دى نداله ولا رد كرامه ولا انتقام ولا انت رائيك ايه؟

ازيكو كلكو يا احلى اعضاء فى احلى منتدى
عايز اخد رايكو فى قصه بسيطه لطيفه خالص

كان فى يوم من الايام فى سالف العصر والاوان

كان اتنين بيحبو بعض وقصه حب رومانسيه جميله واتفقو انه هما يتجوزو

بس كالعاده لازم يحصل حاجه تعكنن عليهم عشيتهم هيفضلو يحبو فى بعض ولا ايه

المهم يعنى الواد يا حرام دخل الجيش وللاسف معرفش ياخد ولا اجازه لمده ست شهور
وهيا لا جالها منه لا حس ولا خبر ولا تعرف عنه حاجه
راحت المحروسه بعتاله جواب
هو بقه كان اليوم الى جاله الجواب منها كان فرح بالنسبه ليه بس يا عينى الواد اتصدم اول ما فتح الجواب
لقاها كاتبه فيه(انت اتأخرت عليا كتير وشكلك مطول والافضل اننا نسيب بعض وياريت تبعتلى صورتى اللى عندك من غير شوشره او مشاكل )

الواد بقه اتصدم ونأحت عليه كرامته اوى
راح قال لكل زمايله الى فى الجيش هاتو كل صور البنات الى معاكو
وخد منهم صور اخواتهم وقرايبهم البنات كلها وجمع صور كتير اوى
وراح باعتها للهانم فى جواب وكتب فيه
(بصراحه انا مش فاكر انتى مين فى دول خدى صورتك وابعتيلى الباقى تانى )

انا بقا عاوز اعرف لو مكانه كنت هتعمل ايه ؟؟؟

وانتى لو مكان البنت هيكون رد فعلك ايه؟؟؟

ودة نعتبرة ايه

نداله ولا رد كرامه ولا كبرياء ولا انتقام ؟؟؟؟

ها ايه رايكو بقه
هستنى ردود حلو كده وقولولى هتعملو ايه

اولا انا مبسوط جدا من موقف الواد بيربيها
ثانينا بس لو كنت مكانه لا ياعم اعطيلها الصورة وخلاص علشان اخترت غلط
ولو انا فى موقف البنت هبقى قليل الادب علشان انا متشرفشى انى اشبها
وكمان بينى وبينك يا ماتركس البنات كدة ناقصين عقل ودين ولكن مش كلهم بنسبة 70 فى المائة

سورى نسيت اكمل
ما يا احمد انى لو انا فى مطرح الولد ولا البنت
المهم:-
لو انا الولد ( رد كرامه )
لو انا البت ( نداله)

اللى عمله الولد ده عين العقل وبصراحه انا شايف انه كده بيرد كرامته وبينتقم فى نفس الوقت

زائر

هى المفروض لاما يبعد تقلق
انا اتوقعت انها تبعتلوا فى الجواب تطمن عليه تساله هو فين المده دى كلها كده يعنى
لاكن بصراحه هى زى ما قال وائل ناقصه عقل من ضمن ال 70 فى الميه (بس مش شايف ان النسبه كبيره شويه يا وائل )
انا عمرى ما هكون مكان البنت لانى مكنتش هتصرف كده من الاول
ولو مكان الولد هيبقى ليا الحق انى اتصرف اى تصرف لانى البنت هى الغلطانه
..............
بانسبه للبنت نداله
بالنسبه للولد رد كرامه وبينتقم برده
بس ..هو ده رايى

ميرسى لردودكو والنسه فعلا كبيرة يا لول
ياريت تكون عجبتكو
bestwishes