اشتغلات البنات و الولاد

الواحد مننا اول لما بيجى يعرف واحده \ واحد حياته بتتغير وعشان كدة بيحاول انه يغير طرفه التانى وده بيحصل فى اول شهر حب
تلاقى الواد من دول بيقول كلام يطير العقل و البنت بتكون هبله و مصدقه
او الواد هوا الى اهبل مش هنختلف
بس المهم ان اول شهر حب بيكون اشنغالات فى اشتغالات

اول لما يشوفها يقولها انتى البنت الى تقول عمرى بحلم بيكى نفس الوش ونفس العين ونفس الودان ده انا اكيد حظى من السما عشان عرفتك يا حبيبتى
ترد هيا وانت كمان فارس احلامى الى حلمت انه يخطفنى على الحمار الابيض
قصدى الحصان واطير معاه فى السما (على اساس ان الحمار بيطير
وياااااااه
على يوم ما يتقبلو الواد من دول يبقى نازل مستحمى و يكون اشترى كيس جيل خلصه على شعره و مسرحه وحالق دقنه وغاسل سنانه وملمع الجذمه و كاوى هدومه
اما البنت من دول تبقى صاحيه من 6 الصبح بتجهز نفسها و جايبه طقم جديد و مظبطه حالها و تكون واخده كل علب المكياج بتاعت صحابها عشان تختار و تحط الميك اب الى يعجبها و طبعا قبل ما تنزل لازم تقف ساعه قدام المرايا
ده فى اول شهر بس ...... بعد كدة
الواد بدل ما يكون عامل رنت موبايله قصاد عينى يخليها كلهم بيقولو كده فى الاول
والبنت تغير بحبك بتاعت جنات وتحط اتخنقت
و ياسلام لو كلمته بليل يقولها معلش يا حبيبتى كلمينى بكره
و لو كلمها تقوله بابا معايا فى الاوضه وتقفل السكة فى وشه
و بيكون كل واحد مصمم انه يغير التانى ... ولو غير كدة يبقى كل واحد يروح لحاله
و بتبقى المشكله ان كل واحد مش بيقول للتانى على كل حاجة .. يمكن يكون بيخاف يسيبه او حاجة .. بس لو هما بيحبه بعض اكيد هيستحملوه بس المشكله ان كل ده تمثيل فى تمثيل