إنت واحد و لا اتنين؟

كل واحد فينا عنده سمات لشخصيته و احتياجات خاصة بيه بتختلف عن غيره وكلنا عندنا و لو فكره بسيطة عن السمات دي و بنعرفها من علاقاتنا و اتجاهتنا و احاسيسنا و تصرفاتنا لكن حد فيكم لقي نفسه أحيانا بيجمع بين تناقضات في السمات دي أو تناقضات في احساسه بالأشياء و الناس لو لقيت نفسك مثلا

عايز كل الناس معاك و يكون ليك علاقات كتير و في نفس الوقت عايز تكون وحيد و لا تشوف حد و لا تكلم حد

عايز تعيش سعيد و في نفس الوقت بتعمل كل حاجه تسببلك حزن في حياتك

بتحب حد اوي و في نفس الوقت بتبعد عنه

بتنصح دايما الناس بالصح وعارف امور دينك كويس وفي نفس الوقت انت بتعمل عكس اللي بتنصح بيه مع انك عارفه كويس وتسال نفسك ازاي انا بعمل كده

بتكره حد اوي و مع ذلك بتفكر فيه كتير

جد في تصرفاتك مع انك بتحب المرح و الضحك جدا

عندك رغبه في الانطلاق و النشاط و مع ذلك نايم طول الوقت

قوي في شخصيتك وتتصرف بضعف شديد في مواقف كتيره

واثق من نفسك و مع ذلك بتراجع كل امورك و كل تصرفاتك


ساعات بنسال نفسنا ازاي قلت كده و انا مش مقتنع ؟؟؟؟؟؟؟وازاي عملت كده و ده مش من مبادئي ؟؟؟؟؟؟؟؟؟؟؟؟؟؟؟؟؟؟؟و ازاي أحب و اكره في نفس الوقت ؟؟؟؟؟؟؟؟؟؟؟؟؟؟؟و ازاي اخلص و اخون في نفس الوقت؟؟؟؟؟؟؟؟؟؟؟؟و ازاي اكون سعيد و حزين في نفس الوقت؟؟؟؟؟؟؟؟؟؟هو أنا واحد و لا إثنين؟؟؟؟؟؟؟؟؟؟؟

هل فعلا مرت بيك لحظات زي دي ودار في خيالك اسئلة من النوع ده؟