مالك يا قلبى مكسور وحزيــــــــــن

مالك ياقلبي مكسور وحزين

انجرحت والجرح فى قلبك كبير

بتداري دمع بيسيل على الخدين

ولا بتداري جرح غميق وجديد

خانوك ياقلبي والخيانه اصلهم

ضحكوا عليك والكذب فى دمهم

- مالك ياقلبي مكسور وحزين -

ضاع منك حلم السنين

ولا اتوهمت بامل بنيتله الاماني والقصور

جرحوك وبيفكروا جرحك جرحهم

ماشيين فى سكتهم ومصدقين كذبهم

وبيفتكروا قلبك برئ وهيمسح دمعهم

وهما الكذب متاصل فى دمهم


- مالك ياقلبي مكسور وحزين -

خايف لترجع لليالي الوحده

خايف ما تلاقي صديق ولا حبيب

ليك ياقلبي رب اسمه كريم

اضحك ياقلبي على كلامهم

جايين والدمع فى عيونهم

ويقولوا ملناش نصيب

هيكون نصيب معاهم فى غدرهم

وهما الكذب متاصل فى دمهم


- مالك ياقلبي مكسور وحزين -

صفحتك معاهم انطوت مع صفحات الذكريات

وابتسامه قلبك اختفت مع صندوق الامنيات

اوعي فى يوم ياقلبي تفتكر ايامهم

اوعي فى يوم تنزل دمعه عشانهم

هما اللي باعوا ياقلبي وغدروا

ما هما الكذب متاصل فى دمهم


- مالك ياقلبي مكسور وحزين -


فاكر ياقلبي لما كنت بتنام بدمع العين

وقلبك يشيل اهات مع عذاب سنين

واتاري قلبك اللي بيدوق سهر الليل

وهما ولا هما حاسين وبيناموا وليلهم طويل

ويغدروا ويقولوا الزمان

هتصدق ايه ياقلبي من كذبهم

وهما الكذب متاصل فى دمهم


- مالك ياقلبي مكسور وحزين -


مكسور من غدر السنين

ولا من غدرهم فيك وكذبهم الطويل

حزين عشان صحيت من حلم جميل

ولا عشان صحيت على كذب وصدمه تقتل قلوب

قلوب انخدعوا بطيبه القلب المغشوشه

وجمال الكلمات المرسومه

بحبر مزيف من قلب بيغدر فى كل دقيقه

هتحزن على ايه ولا ايه ياقلبي

وهما الكذب متاصل فى دمهم


- مالك ياقلبي مكسور وحزين -


زعلان ياقلبي عشان حلم جميل

لونته بالوان العشق واديته روح الحب

ولا زعلان على قلبك لما سلمته

لشخص غير كل الناس

بيغدر ويخون مع كل نفس ومن غير احساس

وانت اللي صدقت وعودهم من غير تفكير

وهما الكذب متاصل فى دمهم

ولا عمر قلبهم حب

وكانت تمثليه مثلوها باتقان

وانخدعت بالاقنعه وفى الحلقه الاخيره

شفت الوجوه على اصلها

وخرج قلبك مكسور وحزين

من ناس لا بتعرف ربك ولا الدين

هتحزن على مين ياقلبي

على ناس غدروا وخانوا

والله ما يستاهلوا دمعه بتسيل

من قلبك الطيب البرئ

اللي ما بيعرف يوم يخدع ولا يخون

وهتحكي لمين ياقلبي

لناس بتغدر وتخون

احمد ربك ياقلبي انك شفتهم على اصلهم

ما هما الكذب متاصل فى دمهم