ايام كتير عدت عليا وانا مش هنا
ايام كتير عايش لوحدي و نسيت الغنا
نسيت الحب و نسيت العشق و نسيت الغرام
نسيت الطهاره و البراءه و نسيت الاحلام
لغايه ما جت قالتلي انا عندي كلام ونفسي احكيهولك
قولتلها حاضر يا نور عيني حملك انا هشيلهولك
فكرته حمل تقيل صعب الواحد يشيله
فكرته مكان بعيد لا اقدر اروحله ولا اجيله
لقيت كلامها عشق و حب و معاني الغرام
لقيتها بورقه و قلم خدتني لاروع الاحلام
بتحكيلي عن حب صادفها و قالها انا عمري ليكي
حكيتلي عن ملاك قالها يارب معايا يخليكي
قعدت تتكلم و توصف وتقول عليه زي القمر
اصدق ازاي صفات ملايكه تتجسد في بشر
قالت كلام كتير تعبني اصلي تعبت من كلام الاغاني
في نفس الوقت فرحتلها وفرحت انها لقيت نفسها من تاني
قالت مش طالب من الدنيا غير فرحه يشوفها فى عنيك
قالت مش عايز من الدنيا كلها غير انه يكون ليك
قالت علي حبه هو كدا حبه برئ جدا زى طفل لسه مولود
من غير ما ارد عليها سالت نفسي معقول يكون زيه موجود
قالت ووشه بجد باين عليه الطيبه
مقدرتش اقولها مش معقوله و غريبه
بعد كل اللي قالته عنه ازاي دي مصدقهاش
وازاي اقولها بتبالغي وانا لسه مشوفتهاش
قالت حبه فيا محببنى فيه ومحببنى انى اكمل معاه
قولتلها في عقل بالي......اللي يصبر ينول كل اللي في هواه
واخر كلمه قالتهالي
انا بتغير بجد عشان هو يستاهل انى اتغير عشانه
الكلام ده لشخص غالي عندي اوي
بجد السعاده اللي كان بيكلمني بيها
هي اللي خلتني انفذله طلب كنت ناوي منفذهوش
وهو برضه اللي خلاني اكتب الكلام ده
بس يارب اكون قدرت اوفي حق الشخص ده
ويارب الكلام يعجبه
ومستني ردودكم
الجمعة 5 سبتمبر - 3:08