عمرو مصطفى : البوم عمرو دياب فى شهر يونيه .. تامر حسنى مبينزليش من ظور .. العسيلى فنان متميز و احبه

الحوار ده متاخد من على اذاعة ع النت اسمها محطة مصر فى لقاء مع النجم : عمرو مصطفي

و اتكلم كلام حلو اوى عن عمرو دياب
قال ان عمرو دياب اقرب صديق له فى الوسط الفنى و ة كل ما اصحى بكلموا وخدت رأيه فى اغنية عملتها لعيد الام
و قال ان الشريط نازل شهر 6
و عمرو له خمس الحان منهم (الله على حبك انت) اللى هى مش عجباه لكن عجبت عمرو دياب
و قال ياريت محدش من جمهور النت ( يعنى احنا ) يتدخل فى علاقتى بيه

و قال ان نجوم اليومين دول مستعجلين النجومية . و ان برنامج الحلم كشف حاجات كتير اوى للناس
و قد ايه عمرو دياب تعب عشان يوصل

و سمعوه حتة من مش معقول بتاعت حماقى و مكنتش ناوى لدياب
رد بكل هدوء .. وقال ان دا مجرد تشابه فى تفعيلة الشعر مش اللحن
و قال ان مكنتش ناوى و الله على حبك من سنة 2002
ايام ما حماقى كان بييجى الاستوديو مع مدكور
يعنى لو كدا يبقى حماقى اللى سارق

و قال تامر حسنى مبينزليش من ظور
و مش مقتنع بفنه و كان شكله عاوز يتف عليه
و مش بفتكرله اغانى .. يعنى اغانيه مش بتعيش
و قاله بطل يا تامر الحركات اللى بتعملها ع الفايس بوك
قال ان تامر هو و اللى شغالين معاه بيعملوا بروفايلات وهمية ع الفيس بوك للترويج لتامر

و قال اكبر غلطة فى حياتى انى اتعاملت مع الجيل الجديد

و قال كلام حلو على عبد الفتاح الجرينى ..و انه راجل محترم
و عمرو ملحنله اغانى فى البومه الجديد

و اتكلم حلو اوى عن العسيلى و عن البومه
و قال انه فنان مختلف و متميز و له سكة لوحده
و بيدعوا الناس كلها انها تسمع الالبوم بتاعه

و قال انه هيتعاون فى البومه الجديد مع ملحنين من اسبانيا و المجر و تركيا

ويالا سلام ..,
JaMa .. THe Boss