عاجل ... مصر كسبت البرازيل ..؟؟!

عاجل ... مصر كسبت البرازيل ..؟؟! 320266024

عاجل ... مصر كسبت البرازيل ..؟؟! 636754779

ممكن تستغربوا من عنوان الموضوع ....!!!!! وتقولوا ايه اللي الاهبل كاتبه ده والماتش خلصان 4-3 للبرازيل ...!!!!!!!!!!!!!!!!!؟؟

بس فعلا مصر كسبت البرازيل وقبل ماتكسب البرازيل ... كسبت المصريين ((جمهور واعلام ونقاد)) ...
الاول : مصر كسبت البرازيل ..؟؟؟
فعلا مصر كسبت البرازيل .... كسبتها اداء وعرض ... ورح وولاء وتحدي .... انا عارف ان ده مش فارق خاااالص ... لان في النهاية بينكتب فوز البرازيل ... لكن لازم تفهم ان عمر ما كان شوقي ولا زيدان يحلموا مجرد الحلم ان يهزوا شباك اقوي منتخب في العالم الا من خلال البلاي ستيشن فقط .... ومش شوقي وزيدان بس ... ده كل المصريين ..!!؟؟

ياريت نفهم اننا لما نحط 3 اهداف في البرازيل .... ده اكبر مكسب مهما كانت النتيجة في النهاية ... لأن اجعص واتخن المنتخبات معملتهاش .... يا جماعة ده حلم كبير ... وغير كدة اداء المنتخب المصري كان حاجة بجد محدش يتخيلها ... ولا حد لحد دلوقت عارف مين اللي كانوا بيلعبوا في الملعب دول .... دول اللي من اسبوع خسروا في الجزائر وهزو الشبكة بالعافية وبهدف وحيد ((هدف شرف)) ..!!!
فعلا حاجة تحير ..!!!!

اما بالنسبة للتاني : مصر كسبت مصر
اه فعلا .. المنتخب المصري كسب كل المصريين واولهم انا ... والنقاد والجماهير والاعلام .... من بعد مباراة الجزائر ... لان الكل هاجمهم واتمني ليهم الفشل ... وكنا فعلا اكبر خصم للمنتخب .... اكبر من البرازيل واكبر من بطولة كأس القارات كلها ...!!؟
ونسينا ان ((عصام الحضري"بكره جداا" واحمد حسن وزيدان وابو تريكة وهاني سعيد ووائل جمعة وغيرهم )) رفعوا راسنا وكسرا كل قيودهم في 2006 و 2008 في بطولتي الامم ...
انا ممكن اكون مقتنع جداااااااااا ان لولا الضغط والنقد اللي اتوجه للمنتخب مكناش نبقي كدة امام البرازيل لأن دي طبيعة اللاعب المصري ... بس دلوقت يا جماعة اللاعبين بقي في حالة تحدي للمصريين ذات نفسيهم ... وده خلل وبالطريقة دي حصل شرخ كبيييييييييييييييييييييير في علاقة اللاعبين بالجماهير مش علاقة الجماهير بالاعبين .... يارب تكون وجهة نظري غلط ... عشان ده لو حصل هتبقي مصيبة كبيرة ... لان ساعتها هيبقي الجمهور في وادي واللاعبين في وادي ....

وفي النهاية اتمني ان اي حد عنده رأي او وجهة نظر في الموضوع ده يعرضها ... ومن حقك تعارضني او تكون معايا ....

ويالا سلام ..,
JaMa .. THe Boss