دردشه

زائر

بجد يا جماعه الموضوع ده مهم جداااا وانا حبيت نتناقش فيه مع بعض وهو ان كل واحد فينا كل يوم وكل ساعه وكل دقيقه وثانيه بيفكر امتى وازاى هيقابل حبيب عمره او فارس احلامه ؟
وطبعا البنت دايما بتفكر امتى هتلاقى فارس الاحلام اللى هيخطفها على حصانه الابيض بس الحصان ده كان زمان دلوقتى بقيت يخطفها على عربيتها البيضه
وبالنسبه لولد طبعا بيفكر دايما فى سيندريلا اللى هيقبلها وتغير حياته وتملاها سعاده وحب وفرحه وطبعا بقى التفكير شغال امتى هنلاقيه ويارب نلاقيه وحجات كده
بفرح اوى فى الناس دى اقولكم بقى على تفكير البنات البنت من دول تدخل اوضه نومها وتشغل جمبها عمرودياب وتامر حسنى وتفضل بقى تفكيرها يروح ويجى يروح ويجى وتنام وتحلم بفارس الاحلام ................
اقولكم بقى بتحلم بايه طبعا احنا دلوقتى فى الصيف راحت المصيف والجو جميل والسما زرقا والبحر صافى تنزل البحر ويشاء القدر انها تغرق و للاسف يطلع فارس الاحلام الموقر ينقذها عاملى فيها هيرو ومن هنا ممتها تدخل تصحيها هههههه بواخه
/ اما بقى الشباب نوعين نوع عامل فيها تامر حسنى ونوع عامل فيها عمرو دياب ونوع تالت عامل فيها رشدى اباظه
ولما يحب بقى يفكر فى فتاة احلامه اللى هى طبعا السندريلا
دايما لازم يتخيلها احلى واحده فى الكون واجمل وارق انسانه ازاى بقى هيقابلها
وهو فى الشارع رايح شاء القدر انه يقابل السندريلا اللى بيحلم بيها
وطبعا لانه وسيم ونظرة عنيه تجنن شد انتباها وهى بتعدى الطريق راحت جايه عربيه سررررررررررريعه وهتخبطها راح هيرو البطل انقذها
برضه للاسف انه انقذها ولسه هياخد رقم تلفونها يجى ابوه يصوت فى وشوا قوم يا فاشل افتحلك كتاب بوااااااخه
ويقوم من الحلم الشاب وتقوم من الحلم الفتاه على امل انه ازاى هيلاقى حبيبته
ياريت بقى كل واحد يقول هو ازاى يتمنى يقابل حبيبته
وامتى حاسس انه هيلاقيها ولو لقاه؟ا هيحافظ عليها ويحبها ؟وايه هى المواصفات؟ هل تتمنى انه هو يكون هيرو وبطل والا شخصيه تانيه فى خيالك؟
وانت تتمنى انها تكون سندريلا فعلا والا هى زى ما تكون المهم انها بنظرك انت سندريلا؟

معلشى بقى طولت عليكم ممكن يكون الموضوع مش مهم للدرجه بس اهى دردشه

مقبوول تمام

زائر

ميرسى على الرد الجميل ده يا وائل