5 اسئله ؟؟؟؟؟

زائر

دى 5 اسئله حابه اشوف اجابات ليها
هى خاصه بالدين
و ممكن نعتبرها معلومات عامه للحابب يعرف اكتر
ياريت كل اليجاوب ......يقول بصراحه!! مكنش عرفها ودور عليها لغايت ما عرفها ؟؟ولا هو كان عرفها اصلا؟؟
اسيبكوا مع الاسئله :
1- من اكثر الانبياء ذكر فى القرءان ؟
2- كم مره ورد اسم سيدنا محمد(عليه الصلاه والسلام) فى القرءان ؟
3- اول من جلب الاصنام الى مكه ؟
4- بلد اقسم الله بها فى القرءان الكريم ؟
5- من واضع النقاط بالمصحف ؟

يالا مستنيه اجاباتكوا

زائر

ايه يا جماعه محدش رد على الاسئله ليه
مش عارفين الاجابه والا ايه

اجابة السؤال الاول:-
نبى الله موسى عليه السلام
اجابة السؤال الثانى:-
4 مرات ذكر الرسول صلى الله عليه وسلم
اجابة السؤال الثالث:-
هو انا مش متأكد قوى من اجابة هذا السؤال بس ممكن يكون ( عمرو بن لحى)
اجابة السؤال الرابع:-
مكه المكرمه طبعا
اجابة السؤال الخامس:-
نصر بن عاصم الليثى
بعد معاناه ووجود تفرقةمابين كل جماعة تكتب القرأن الكريم على كفها جاء توحيد القران الكريم فى كتاب موحد وتم اختيار نصر بن عاصم الليثى لكى يضع النقاط فى المصحف
اهو يا ستى جاوبت على الاسئلة وياريت تعطى المزيد من الاسئلة الدينية لاننى استفدت بجد ودا موضوع جميل جدا
الله يبارك فيكى

زائر

برافو عليك يا وائل
الاجابات تمام
طيب دول 5 اسئله تانى :
1- من هو اول امين لرابطه العالم الاسلامى ؟
2- من هو اخر ملك مسلم فى الاندلس ؟
3- اين طبع القراءن الكريم اول مره بماكينات الطباعه ؟
4- صحابيه ارمله لاربعه شوهداء ؟
5- اخر امرأه تزوجها النبى (صلى الله عليه وسلم ) بمكه ؟
مستنيه اجابات

السلام عليكم
موضوع جميل جدا
- من هو اول امين لرابطه العالم الاسلامى ؟
محمد الصبان
2- من هو اخر ملك مسلم فى الاندلس ؟
أبو عبد الله محمد بن علي
3- اين طبع القراءن الكريم اول مره بماكينات الطباعه ؟
فى مدينة البندقية
4- صحابيه ارمله لاربعه شوهداء ؟
الخنساء
5- اخر امرأه تزوجها النبى (صلى الله عليه وسلم ) بمكه ؟
ميمونة بنت الحارث رضى الله عنها
والله أعلم

زائر

براااافو عليكى تواقه للجنه اجابات تمام جدا

وللعلم فقط :
الخنساء هى (عاتكه بنت زيد رضى الله عنها )هيبقى ليها موضوع انشاء الله فى قصص الانبياء
واين اول مره طبع القرءان بماكينات الطباعه............ فى البندقيه تمام بس للعلم فقط كان عام 1530م

وميرسى جدا على مشاركتك فى مواضيعى واتمنى تشاركى دايما فيها
وهحط 5 اسئله تانى انشاء الله
مستنيه اجابات

5 اسئله ؟؟؟؟؟ 1219785681

زائر

يالا 5 اسئله كمان :

1- من كان ملك مصر فى زمن يوسف عليه السلام ؟
2- اول سوره كامله نزل بها بها الوحى ؟
3- اخر من اعاد بناء الكعبه ؟
4- اخر دوله اسلاميه بالاندلس ؟
5- اخر اعمام النبى (صلى الله عليه وسلم ) وفاة ؟

يالا مستنيه اجابات

5 اسئله ؟؟؟؟؟ Ramadan21425

زائر

مفيش حد عارف يجاوب ولا ايه ؟؟؟

1- من كان ملك مصر فى زمن يوسف عليه السلام ؟

الوليد بن الريان

2- اول سوره كامله نزل بها الوحى ؟

سورة العلق

3- اخر من اعاد بناء الكعبه ؟

السلطان مراد العثماني

4- اخر دوله اسلاميه بالاندلس ؟

مملكة غرناطة

5- اخر اعمام النبى (صلى الله عليه وسلم ) وفاة ؟

العباس بن عبد المطلب

يارب تطلع الإجابات صح

زائر

الله عليكى تواقه للجنه
بس سؤال اخر من قام ببناء الكعبه ؟
هو فعلا بناها السلطان مراد العثماني فى 1040هـ
لاكن جيه بعديه الملك فهد بن عبد العزيز فى 1417 هـ وقام ببناءها
وانشاء الله هيكون فى موضوع عن الكعبه
اجابات تمام ميرسى على مشاركتك وانتظرى باقى الاسئله

بس للعلم :
مملكه غرناطه يطلق عليها ايضا دوله بنى الاحمر

زائر

ال 5 اسئله :

1- ماجزاء من نوى عمل حسنة ولم يعمل بيها هل تكتب لة حسنة ام لا واذا كتب لة حسنة فكم عدد الحسنات التى يأخدها؟

2- اكمل الحديث : قال الله اذا احب عبدى لقائى ...........؟

3- مافضل الله على عبادة الحجاج فى يوم عرفة؟

4- اخر اولاد ابى طالب الذكولر وفاه ؟؟

5-اخر بناء لحجر اسماعيل ؟؟

يالا مستنيه اجابات ...