سلسلة الطريق إلى الجنة ( الحلقة الأولى )

السلام عليكم ورحمة الله وبركاته

انا مش عاوزة أبدأ بمقدمات احنا هندخل فى الحلقات على طول ان شاء الله

سلسلة الطريق الى الجنه

"الحلقه الاولى"

"اين نجد السعاده"

وقبل ان ابدأ اذكركم بان كل هذا هو جهد الاستاذ الداعيه عمرو خالد وماانا سوى مقتبسه لعلمه ..

فأسأل الله المزيد من العلم والنجاح لأستاذدى الكبير وان يجعل ربى كل مجهودى فى ميزان حسناته ..

الحديث عن الجنه عظيم تقشعر له الابدان .. فهى أمنية كل مسلم ومبتغى كل عابد ..

ولذلك سأختصر الحديث على قدر استطاعتى وايضا سأجعله فى نقاط ..

ومع اول هذه النقاط ..

1- كلنا يبحث عن السعاده :

فى كل حاجه بنعملها هدفنا الوحيد منها اننا نكون سعداء .. حتى الاكل والشرب والخروجات والفسح واللبس ..الخ

هدفنا اننا نحس بسعاده .. حتى واحنا بنسعد غيرنا بنعمل ده لانه بيعود علينا احنا برده بسعاده ..

ولكن هل ديما بتحقق هدفنا ونشعر بالسعاده؟

للاسف مفيش سعاده من اللى بتحصلنا بتكون كامله .. مثلا بعد كل فسحة حلوة بيحصلنا ارهاق وتعب ونوم طويل ..

وحتى فى العباده ... مع اول معصيه بعدها بفقد لذة العباده اللى عملتها ..

يبقى انتوا متفقين معايا ان مفيش سعاده كامله فى الدنيا .

2- لا سعاده كامله فى الدنيا ..

لماذا ؟

الله عز وجل لم يرضى ان تتم سعاده واحده كامله فى الدنيا ..وهذا من رحمة الله بنا ..

تخيلوا معى لو ان هناك سعاده كامله حقيقه فى الدنيا .. لتعلقت قلوبنا بالدنيا وكرهنا تركها ..

كانت لرسول الله صلى الله عليه وسلم ناقة تسمى القصواء وكانت سريعه جدا لا تسبقها اى ناقه اخرى .. فجاء اعرابي بسيط بناقه له فسبق ناقة النبى صلى الله علية وسلم

.. فشق ذلك على الصحابه .. فقال لهم النبى : "ان الله كتب الا يرفع شئ من هذه الدنيا الا وضع "

معنى الحديث ان مفيش حال دايم فى الدنيا .. اللى عنده فلوس لو اللى عنده صحة او اللى عنده علم .. محدش يقدر يضمن دوام الحال ده على طول بشكل ابدى فى الدنيا..

انا مش عاوزة اكرهكو فى الدنيا ولكنى عاوزة نبدأ نصلح احلامنا ..

كلنا بنحلم باحسن زوج واحسن اولاد واحسن بيت واحسن مصيف واحسن لبس ... الخ

مع ان مفيش "احسن" فى الدنيا .. محدش عنده كل حاجه فى الدنيا .. لو فهمنا المعنى ده مش هنتعب بعد كده اننا معندناش كل حاجه

ومش هنجرى ورا الاحسن دايما لانه يستحيل وجوده فى الدنيا ..

اومال فين السعاده الكامله؟

3- اين نجد السعاده ؟

عنما سؤل الامام احمد ابن حنبل .. اين نجد الراحه يا امام؟

قال: عند اول قدم تضعها فى الجنه ..

شوفتوا اللى انتوا عاوزينه مش فى الدنيا .. الراحه الكامله والابديه مش موجوده الا فى الجنه ..

انا هدفى من الحلقة دى .. اننا نصحح احلامنا .. مش عيب ولا حرام اننا نحلم ونخطط للدنيا ..

بالعكس اسلامنا امرنا باعمار واصلاح الارض و محرمش علينا اننا نتمتع بمتع الدنيا الحلال ..

بس ده كله فى كام سنه 50-60-100 سنه .. فى الاخر هنموت وهنسيب كل ده ..

تعالو نحلم ببيوتنا الحقيقه و متعنا الحقيقه اللى هنعيش ان شاء الله فيها على طول ..

تعالو نعيش فى الدنيا بجوارحنا .. ونعيش فى الجنه بقلوبنا ...

يعنى تكون الدنيا فى ايدينا نعرف ازاى نعيشها وازاى ننجح فيها .. لكن متكونش فى قلوبنا وتكون الجنه بس هى اللى فى قلوبنا ..

الحلقة القادمة هى جوله فى مكاننا الدائم والحقيقى .. فى الجنه ..

إنتظرونا ان شاء الله فى الحلقة القادمة

زائر

حلقه رائعه
موضوع جاااااااامد جدا
وهستنى الحلقه الجايه
ميرسى جدا تواقه للجنه
( اتمنى يتثبت )

ربنا يكرمك حبيبتى أسعدنىىى جداااا ردك
شرفتينى يا قمر وشرف ليا إنك تتابعينى
جزاكى الله خيرااا

زائر

العفو يا جمييل
بس بجد موضوع جميل

ربنا يكرمك حبيبتى
جزاكى الله خيرا كثيرااا

موضوع ممتاز
ربنا يكرمك يا تواقة بجد تحفة

ربنا يخليكى يا جميل على ردك
ويكرمك ياااارب
جزاكى الله خيراا