الحلقة الثانية ( جولة فى الجنة )

الحلقه الثانية

"جوله فى الجنه"

قبل ما تبدأوا تتجولوا معايا عاوزاكو تتخيلو اللقطه دى ..

احنا تأخينا وتحاببنا فى الله فى الدنيا فحشرنا ان شاء الله تحت ظل عرشة بعيد عن الحر والتعب والعرق .. ووزنت اعمالنا وان شاء الله كنا من اهل الجنه ..

ها تقدروا توصفوا درجة شوقكم للجنه دلوقتى .. ؟

طب تخيلوا واحنا واقفين فى طاااااااااااااااااااااااابور

طوييييييييييييل .. يارب ميبقاش طويل ..

فى انتظار النبى عليه الصلاة والسلام لانه اول من يفتح باب الجنه ...

ها شايفين النبى هناك .. شايفين باب الجنه .. متخيلين روعته وجماله ؟

ها درجة الشوق عامله ازاى دلوقتى؟

الباب اتفتح ..

صوت فتحه عظيم

وخرج منه رااااااااااااااااااااائحه طيبه جدااااااااااااااا

سامعين اصوات العصافير والملائكه وهى تتلو ايات الله ..

شايفين الانوار الدهبى والفضى والبرونزى اللى بتلألأ قدامك ..

تعالو نقرب اكتر واحنا ماسكين ايدين بعض ..

ياترى ربنا لما وصف لينا الجنه قال فيها ايه ..

قال تعالى فى الحديث القدسى :" اعددت لعبادى الصاحين مالا عين رأت ولا أذن سمعت ولا خطر على قلب بشر"

يعنى ايه الحديث ده ..؟

تعالو نمشى كلمه كلمه

.. اولا كلمة اعددت .. ده فعل ماضى ..

هو ربنا اعد الجنه من زمان قبل احنا مانيجى اصلا الدنيا وقبل مانعصى او نطيع؟

نعم .. طب ليه؟

لما ضيف عزيز على قلبكو يقول هاجى ازوركو يوم كذا انتو بتستعدو صح؟

اكيييييييييييييييييييييد .. الشقه تتمسح بقه والاكل والحلويات والفواكه ..

ربنا اعد لينا الجنه قبل احنا مانخلق ..

شوقا لاهل الجنه .. شوفو عظمة وحكمة ورحمة الخالق عز وجل ..

فتخيلو اعداد خالق الجمال لنا فى الجنه ..

ومن عظمته تعالى انه لم يجعل ملائكته التى تعد لنا الجنه .. ولكنه تعالى اعدها بنفسه .. شوفو التكريم والحب ..

طب وليه قال لعبادى الصالحين.. ليه مقالش لعبادى المخلصين مثلا؟

كأن ربنا عاوز يبسط شرط دخول الجنه لينا .. عاوز يطمنكوا اعملوا اعمال صالحه ولو قليله واترك ما يغضبنى ادخلك جنتى..

والله انى احب الله

طب يعنى ايه مالا عين رأت .. شوفتو ايه من المناظر الطبيعيه والزهور والانهار والاماكن السياحيه الفاخرة اللى نفسكو تزوروها..

لا الجنه احلى من اللى شوفتوه فى الدنيا ..

طب ولا أذن سمعت.. سمعتو ايه من اطيب كلمات الحب والشعر والغناء ..سمعتو ايه عن الكائنات الخياليه العجيبه ...الخ ..

لالالالالالالالالالا الجنه احلى بكتير من كل اللى سمعتوووووووووه

الجايه دى احلى ..

ولا خطر على قلب بشر .. يعنى مش بس اللى شوفتوة او سمعتو عنه ده اللى ممكن تتخيلوه كمااااااااااااااان ..لالالالالا ... الجنه احلى بكتير..

هاااااااااااااااااااا ..

ايه رأيكو نقف لحد كده ..

والله الحديث ده لخص اى كلام ممكن يتقال عن الجنه ...

بس لسه ..

ربنا برحمته معرفناش الجنه فيها ايه بس ادانا شويه تصبيرات ..

اهى دى برضه تصبيرات الجنه ..

طب ايه هى؟

تعالو نكمل احنا كنا وصلنا لباب الجنه ..

ودلوقتى داخلين ..

ايه ده سامعين ..

يقول النبى صلى الله عليه وسلم :" عند أول خطوه يخطوها اهل الجنه فى الجنه .. يقول لهم الله عز وجل ..: يا أهل الجنه .. ان لكم عندى ...."

ده صوت الخالق تبارك وتعالى .. سامعين .. وكمان بيوجهلنا الكلام .. قولو : نعم يارب

يقول الله تعالى "يأهل الجنه ان لكم عندى ..

1-ان تصحوا فلا تمرضوا ابدا

2-وان لكم تشبوا فلا تهرموا ابدا

3- وان لكم ان تحيوا فلا تموتو ابدا

4- وان لكم ان تنعموا فلا تبئسوا ابدا"

احنا لسه ع الباب تعالو نشوف لينا ايه ..

1- الصحه .. لا مرض ولا انفلونزا ولا حتى سخونيه ولا مغص بسيط .... لا مرض فى الجنه

2-الشباب..كلنا متوسط اعمارنا فى الجنه33 ..مفيش عجوز وشاب .. كلنا شباب فى ريعان الشباب سننا 33 سنه ومحدش هيشيخ فى الجنه ابدا

3- الحياه..هى مرة واحده نموتها فى الدنيا وبس .. مفيش موت ولا بعث تانى فى الجنه ابدا

4-التنعيم .. يعنى كلنا اغنيا منعمين .. مفيش غنى وفقير .. ولا موظف ولا رئيس .. كلنا منعمين ابدااااااا

كل مشاااااااااااااكل الدنيا ..المرض والعجز والموت والفقر .. كلها اتحلت من على الباب ..

عارفين يعنى ايه "ابدااا"

يعنى الى مالا نهايه .. متخيلين الى مالا نهايه نعيم ..الى مالا نهايه متع ..الى مالا نهايه فسح وخروج..الى مالانهايه ...الخ

الحلقه القادمه هنكمل مع حديث سيدنا موسى عن ...دى مفاجأه

الى ان القاكم الحلقه القادمه المطلوووووووووووب .. احلمو بالجنه

أستودعكم الله الذى لا تضيع ودائعه

وأحييكم بتحية أهل الجنة

السلام عليكم ورحمة الله وبركاته

زائر

اللله عليكى
حلقه جميله
واسلوب رائع
بجد جزاك الله خيرا

ربنا يكرمك يااارب
ويجزاكى مثله وأحسن اللهم آمين
أسعدنى ردك كثيرااااا
وأرجو من الله تقبل هذه الدعاء
اللهم اجعلها ممن يورثون الجنان ويبشرون بروح وريحان ورب غير غضبان (اللهم آمين )

زائر

يااااااارب يتقبل منك هذا الدعاء
ويسعدنى انى ارد على جميع مواضيعك

الله أكبر
اية الحلاوة دى
ماشاء الله بجد انتى بجد خلتينى أعيش جوة الكلام
ربنا يكرمك موضوع هايل

اللهم لك الحمد
ربنا يرزقنا واياكى الجنة
شكرا ليكى على حسن المتابعة
جزاكى الله خيرا