الحلقة الثالثة ( أدنى أهل الجنة وأعلى أهل الجنة منزله )

الحلقه الثالثة

"أدنى اهل الجنه واعلى اهل الجنه منزله"

احنا مكملين جولتنا فى الجنه ... فاكرين احنا كنا مع بعض تحت ظل عرش الرحمن يوم الحشر .. ومسكنا ايدين بعض ووقفنا فى طابور منتظرين النبى ان يفتح لنا باب الجنه .. وفتح الباب فعلا .. ونادى علينا الله عز وجل .. وقالنا على المكافأت المبدئيه لينا ..
فاكريييييييين ؟

الصحه والشباب والنعيم والحياه الابديه ..
احنا متفقين ان مفيش نص صريح ولا وصف دقيق للجنه سوى
الحديث القدسي :
" فيها ملا عين رأت ولا أذن سمعت ولا خطر على قلب بشر"
واتفقنا ان ربنا اعطانا تصبيرات جميله اخبرنا عنها الحبيب صلى الله عليه وسلم .. وقولنا منها اول مكافأه فى الجنه ..
كل مشاكل الدنيا اللى تاعبانا ( المرض والموت والعجز والفقر) .. كلها اتحلت مع اول خطوة لينا من باب الجنه ..

والان مع التصبيرة الثانيه ..

وهو حديث موسى عليه السلام

سأل موسى ربه:" دلنى على ادنى اهل الجنه منزله؟ فقال له الله:" يا موسى ذلك اخر رجل يخرج من النار .. "

فعلا اقل واحد هيدخل الجنه هو اخر واحد يخرج من النار ..

ياترى عمل ايه الراجل ده عشان يخرج اخر واحد من جهنم؟

.. اكيد عمل كبائر ومصائب جامده .. يارب عافينا

تكمله الحديث" ذلك اخر رجل يخرج من النار يخرج منها حبوا .. ثم ينظر اليها ويقول الحمد لله الذى نجانى منك.."

سبحان الله من شدة العذاب اللى شافه فى جهنم بيخرج منها زاحف مش قادر يقف وبيحمد ربنا انه نجاه منها ... اللهم نجنا جميعا من النار..

تكملة الحديث" فيقول له الله:" اذهب فأدخل الجنه.. فينظر اليها الرجل فيخيل اليه انها ملئى .."

يروح الراجل ينظر للجنه ويتهيأله انها اتملت لانه اخر امة محمد اللى خرجو من النار.

. وطبعا الجنه لا تزدحم ابدا فعرضها السموات والارض..

تكملة الحديث" فيعود الرجل ويقول :" يارب وجدتها ملئى"

فيقول له الله عز وجل : ايرضيك ان يكون لك مثل ملك اعظم ملك من ملوك الدنيا .."

انتو متخيلين .. ده اخر واحد هيدخل الجنه .. واقل حد هيتمتع فينا .. ويكون ليه .. ملك اعظم ملك من ملوك الدنيا ..

ماتيجو نتخيل اعظم ملوك الدنيا كان عندهم ايه .. قصور .. بساتين عظيمه .. جوارى وخدم .. واكيد اغنى البشر ..الخ

طب تعالو نكمل كده " فيقول الرجل :" اتهزء بى وانت رب العالمين ؟"

الراجل مش مصدق .. حسبها فى دماغه لقه حاجات مكنش يوم يحلم بيها ..

تكملة الحديث:" فيقول له الله :" لك مثل ملك اعظم ملك من ملوك الدنيا ... ومثله ومثله ومثله ومثله ومثله..."

مش بس ليك ملك اعظم ملوك الدنيا لا وكمان الضعف خمس مرات ..

انتو متخيلين؟

تكملة الحديث :" فيقول الرجل فى الخامسه: رضيت يارب رضيت يارب"

الراجل هيغم عليه مش مصدق .. مش متخيل النعيم اللى هيتنعمه وهو كان عاصى ..

تكملة الحديث:" فيقول له الله :" لك مثل ملك اعظم ملك من ملوك الدنيا ومثله عشر امثال"

الله اكبر .... الله اكبر...

لا لسه

فيه تكمله للحديث..:" يقول الله عز وجل :" ولك فيها ما اشتهت نفسك وتمنت عينك وانت فيها خالد"

ايييييييييييييييييييييييييييييييييييه ده؟

مش ممكن ..

ده اقل واحد يدخل الجنه..

تكملة الحديث:" فيقول موسى :" يارب أذلك ادناهم منزله؟

فيقول له الله :نعم يا موسى

فيقول موسى: يارب فمن اعلاهم منزله ؟"

قبل مااكمل ..

عاوزة اسيبكوا تتخيلو منزله اعلى وحد فى الجنه ..

اقل واحد ليه مثل مالك اعظم ملك من ملوك الدنيا عشر اضعاف..

طب تخيلو اعلى واحد فى الجنه ممكن يكون له ايه؟

تكملة الحديث:" فيقول الله : يا موسى اولئك الذين اردت زرعت كرامتهم بيدى"

الله اكبر..

كأن ربنا عاوز يشوقنا اكتر للجنه .. فكأنها مفاجأه لينا ..

طيب ومين اللى يقصدهم ربنا بزرعت كرامتهم بيدى..؟

يعنى سعادتك وفرحتك لله .. شغلك وزواجك لله .. دراستك وعلمك لله .. كل حياتك هى وقف لله تعالى ..

فتكون بالله ولله ومع الله..

ها شبعتو من الجنه ..

ولا عاوزين كمان..

انا شخصيا مشبعتش

وعاوزة الشوق ليها يكبر ويزيد..

وعايزة اجيب الدرجه اللى ربنا قال فيها " اولئك الذين أردت"

لسه هنكمل جولتنا المرة الجايه

أستودعكم الله الذى لا تضيع ودائعه

وأحييكم بتحية أهل الجنة

السلام عليكم ورحمة الله وبركاته

زائر

وعايزة اجيب الدرجه اللى ربنا قال فيها " اولئك الذين أردت"

اتمنى جميع المسلمين يجيبوها

وحلقه رائعه جدا واسلوبك جميل جدا وهستنى الباقى
الحلقه الرابعه يعنى
مستنياكى
ميرسى يا جميل

الحلقة الثالثة ( أدنى أهل الجنة وأعلى أهل الجنة منزله ) Untitledaf9

الحلقة الثالثة ( أدنى أهل الجنة وأعلى أهل الجنة منزله ) Untitledaf9

حبيبتى ميرا بجد ردودك بتنورلى مواضيعى ربنا يكرمك يااارب

أسعدنى جداااااااااااااااا ردك

جزاكى الله خيرا

زائر

ميرسى يا جميل ده نورك
انا بتسعدنى اكتر مواضيعك

ربنا يكرمك يااارب على كلامك الجمييل دة
نورتى يا قمر