الحلقه الخامسة ( نعيم الجنه )

الحلقه الخامسة

نعيم الجنه

حلقتنا انهارده هنقرب فيها اكتر من نعيم الجنه ..طبعا احنا متفقين ان مستحيل نصف نعيم الجنه بالحرف .. وافكركو ب( ولا خطر على قلب بشر)

قبل ماا ابدأ عاوزة اقول اية كريمه يقول الحق تبارك وتعالى:"ان اصحاب الجنه اليوم فى شغل فاكهون"

شغل؟

هو فيه شغل وتعب فى الجنه؟

لالالالالالالالالالالالالالالالالالالالا

الشغل المقصود بيه اننا هنكون مشغولين بالوان النعيم والمتع .. فيبقى اللى شاغلكوا ده انكوا تخلصوا متعه وتروحوا لغيرها .. وهكذا

طيب سؤال بيسأله الكثيرون ؟:" هو احنا مش هنزهق؟"

يعنى فى الجنه على طول لعب ومتع ونعيم .. مش هنزهق؟

هجاوب فى نهاية حلقتنا ..

وهديكوا فرصه تعرفوا الاجابه لوحدكم..

بس خلونا نسبح فى احاديث النبى صلى الله عليه وسلم عن نعيم الجنه ..
يقول النبى صلى الله عليه وسلم:"يلهمون التسبيح والتهليل كما تلهمون النفس"

يعنى ايه؟

يعنى اهل الجنه طول ماهما ماشين فى الجنه بيكبرو يهللو يعنى بيقولو الله اكبر .. لا اله الا الله
ليه بقى هو مش قولتى مفيش شغل ولا عباده فى الجنه .. يبقى ليه بيسبحوا ربنا..?

انتوا وانتوا فى الدنيا لما بتشوفوا منظرجميل بتقولوا ايه ؟
مش بتقولوا سبحان الله .. الله اكبر .. لا اله الا الله
ده اللى بيحصل لأهل الجنه .. هما طول ماهما ماشين فى الجنه بيشوفو نعم عمرهم ما كانو يتخيلوها ..عشان كده من عظمة صنع الخالق عز وجل بيكبروه ويسبحوه..
عاوزين تخدوا مثال للكلام ده ..

يقول النبى صلى الله عليه وسلم:"ان فى الجنه شجرة يسير الراكب الجواد 100 عام لا يقطعها"

يعنى ايه الكلام ده؟
النبى بيوصف لينا شجرة من اشجار الجنه .. تعالو نتخيل كده فارس راكب حصان بيجرى بسرعه كبيرة حول شجرة واحده 100 عام ولا يستطيع ان يصل لاخر هذه الشجرة..
انتوا متخيلين ..طيب لو كان ده عرض الشجرة .. يبقى طولها اد ايه؟
طيب والجنه كلها تبقى عرضها اد ايه لو كان ده عرض شجرة واحده من اشجارها..؟
طب لو حبينا نعمل جوله فى الجنه ..؟هنعملها فى كام سنه؟

هااااااااا لو شوفتوا الشجرة دى فى الجنه هيكون رد فعلكم ايه يا ترى؟

انا شخصيا عارفه ان مفيش عباده فى الجنه بس انا لو شفت الجمال ده .. هسجد لله شكر..

طيب ايه تانى من نعيم الجنه..

ليس فى الجنه ليل ولا نهار..
مفيش ظلمه فى الجنه .. ولا محتاجين شمس تنورلنا فى الجنه ؟
اومال نور الجنه هيكون منين؟
تضاء الجنه من نور الله عز وجل
متخيلين قوة وروعة هذا النور..

وايه تانى من النعيم؟
يقول النبى عليه الصلاة والسلام :"تأتى الدنيا يوم القيامه وتقول:" يارب اجعلنى لادناهم منزله؟"

الدنيا اللى ضيعت ناس كتير بسبب لذاتها الزائفه ومتعها الفلصو ...عاوزة تكون متعها دى لأدنى اهل الجنه ..

فيقول لها الله:" اسكتى يا لا شئ .. لم ارضاكى لهم فى الدنيا أأرضاكى لهم اليوم"

شوفتو قيمة الدنيا عند ربنا "لاشئ"..

من نعيم الجنه ايضا ما اخبرنا عنه الحبيب صلى الله عليه وسلم:" لقاب قوسين فى الجنه لخير من الدنيا ومافيها"
يعنى لو كل نصيبك من الجنه مسافة متر فى متر.. ده احسن من الدنيا بما فيها..

انتومتخيلين متر فى الجنه بالدنيا كلها ..

هااااااااااااااااااااااا..

عرفتوا اجابة السؤال .. عرفتوا اذا كنا هنزهق فى الجنه ولا لا؟
من رحمة ربنا بينا فى الجنه انه يخلق الوان من النعيم مكنتش موجوده فى الدنيا .. فكلما انتهينا من متعه خلق الله لنا متعه جديده ..

يمكن دة يخلينا نوصل لاخر جولتنا .. وهى متع الجنه ..
احنا اتكلمنا عن نعيم الجنه كما اخبرنا عنه الحبيب .. لكن المتع زى ما وضحت منعرفهاش .. يعنى المتع الجديده اللى عمرنا ما لمسناها ولا شوفناها فى الدنيا .. دى لسه منعرفهاش ..هنعرفها ان شاء الله فى الجنه.

بس ثوانى
فيه متعه احنا صحيح عمرنا ما شوفناها بس عارفين انها موجوده فى الجنه ..

ياترى مين يعرفها..؟

رسالتى انهارده .. مفيش وجه مقارنه بين الدنيا والجنه .. خلو هدفكو واحلامكو للجنه وبس..

الحلقه الجاية هتكون قبل الاخيرة .. وهى هديه لينا احنا النساء والاخوات فى الله فى الجنه ..

أستودعكم الله الذى لا تضييع ودائعه

وأحييكم بتحية أهل الجنة

السلام عليكم ورحمة الله وبركاته

زائر

الله عليكى كل حلقه احلى من القبلها بجد حببتينى اكتر فى الجنه

ربنا يجزيكى خير انشاء الله

ومستنيه الحلقه الجايه والمتاكده هتبقى اروع من القبلها

ربنا يكرمك ويعزك ويحبك ياااارب يا مروة على كلامك الجميل وعلى حسن الظن
ربنا يسعدك ياااااااارب على ثنائك دة وبجد ثناء أعتز بيه جدا جدا
وشرف ليا انك تتابعينى
جزاكى الله خيرا كثييييييييرا

زائر

ربنا يخليكى يا حبيبتى
انتى البجد مواضيعك تستحق المشاركه
جزاك الله كل خير

ربنا يكرمك يااارب على ذوقك وعلى كلامك الجميل
ربنا يعزك يااارب
جزاكى الله خير الجزاء