الحلقة السادسة ( الاخوات فى الله فى الجنه )

الحلقه السادسة

الاخوات فى الله فى الجنه..

احنا وصلنا كده تقريبا لنهاية جولتنا .. لسه

هيكون اخرها المرة القادمه .. بدأنا جولتنا ظل

عرش الرحمن ..فاكرين .. وكنا ماسكين ايدين

بعض ..وبعدين وصلنا لباب الجنه وبفضل الله

دخلنا وتجولنا فيها وشوفنا بيوتنا ونعيمها..الخ

انهارده دى هدية لينا احنا بالذات النساء بوجه

عام والاخوات فى الله بالاخص .. يمكن انا من

اول ما بدأت الالتزام وحاسه ان النساء بالذات

ليهم معامله خاصه من قبل الله عز وجل .. والله

ماكلام فارغ ..والدليل ان لينا بردو معامله

خاصه فى الجنه ..

كلامنا انهارده هيكون عن الاخوات فى الجنه ..

بس قبل ما اقنعكو بأهمية ان يكون ليكى اخوات

فى الدنيا ... هنتكلم الاول عن النساء فى الجنه

وبعدين الاخوات فى الجنه ..

اولا: نساء الدنيا فى الجنه ..

طبعا اقصد نساء الدنيا ..

يقول الله تبارك وتعالى :"انا انشأناهن انشاءا

فجعلناهم ابكارا عربا اترابا"

الكلام هنا عن حال نساء الدنيا فى الجنه ..يقول

الحق تعالى ان نساء الدنيا يكونو فى الجنه

ابكارا ودى معروفه .. واترابا يعنى سنهن 33

سنه وهو سن نضج المرأة الجسدى والفكرى ..

وده متوسط اعمارنا كلنا فى الجنه نساء ورجال..
واعرابا.. اى التى تجيد فن العشق.. تعرف تقول

كلام حلو .. يعنى ايه ..؟

طب تخيلو معايا كده رجل كان متزوج فى الدنيا

وكانت زوجته معاه فى الجنه .. كانت مش

جميله وكانت مبتعرفش تقول كلام حلو ..

تيجى هذه المرأة اجمل مايكون فى الجنه..

وكمان بتقول كلام يأخذ قلب زوجها..

يعنى يابنات ويانساء مشاكلنا اتحلت فى الجنه ..

الشباب الدائم والجمال الاخاذ وايضا اجادة كلام

العشق والحب

طيب انتى نسيتى الحور عين .. اللى ياما سمعنا

عنهم واللى رجال الدنيا بيحلمو بيهم؟

بشرررررررررررررررررررررررى

نساء الدنيا فى الجنه اجمل من الحور العين

يقول النبى صلى الله عليه وسلم عن نساء

الدنيا:" ..فاذا دخلت قصرها اضاء منه كل شئ

واذا تحدثت مع زوجها ذهب عن الجنه ومافيها
"

يا سلام ...

نساء الدنيا فى الجنه هيكونو سيدات

قصورهن .. ومتخافيش على زوجك فى الجنه

لان ربنا هيديكى ملكة قول كلمات العشق

والحب ..لدرجة ان زوجها يفضل الاستماع لها

عن باقى متع ونعيم الجنه..

كل اللى فات ده هو لكل النساء ان شاء الله ..

طب ايه اهمية انك يكون ليكى اخوات فى الدنيا

او صحبة صالحه ..

ده اللى هنعرفه دلوقتى..

ثانيا:الاخوات فى الله فى الجنه

على فكرة نفس الكلام للاخوة بردو ...

قال الحبيب صلى الله عليه وسلم:" يشتاق الاخ

لاخيه فى الجنه فيقرب الله سرير هذا من

هذا..فيقول الاخ لأخيه أتذكر متى غفر الله لنا ..

فيقول نعم يوم كذا وكذا.."

شوفتو الجمال الحديث جه بصيغة المذكر

للعموم والشمول .. يعنى الكلام للاخوة

والاخوات..

تعالى نتخيل كده واحنا فى الجنه .. وجايز

منبقاش فى منزله واحده .. يعنى ممكن حد يكون

اعلى من حد درجه او درجات فى الجنه .. بس

هل ده يمنع اننا نتقابل ؟..

النبى بيقول بمجرد ما تفكرى فى اختك فى الله

تلاقيها جنبك .. مفيش بقه تليفونات ولا

مواصلات مابينك ومابينها .. يا سلام ياترى

هتتكلمى فى ايه مع اختك ساعتها ..

هتفتكرو ايام ما كنتو بتصلو التراويح فى

رمضان سوا .. او لما كنتى بتصحيها لصلاة

الفجر.. او لما ...الخ

من رحمة ربنا بينا انه شرع لنا معنى الاخوة فى
الله ..

وبجد اللى حست المعنى ده هتفهم كلامى..

طيب وايه كمان ..

قال النبى صلى الله عليه وسلم:" قلوبهم قلب

واحد لا اختلاف بينهم ولا تباغض"

يعنى ايه ؟

ممكن تكونو فى الدنيا اذواقكو كانت

مختلفه ..وارد جداااااااااا

لكن فى الجنه لا.. بمجرد ما تفكرى فى اكله

معينه او فاكهه معينه ..وقبل ما لسانك يقولها

انك نفسك تاكلى معاها الاكله دى مثلا .. ربنا

عز وجل يقذف فى قلبها هى كمان حب نفس

الاكله وهكذا .. فتكونو متفاهمين جدا ومتحابين

اكتر..

رسالتى انهارده هنيئا لكى ولاختك فى الله هذا

النعيم .. واللى معندهاش الحقى وانضمى

لصحبة صالحه...

الحلقة الجايه هى ختام جولتنا فى الجنه ..

وانا كنت نوهت عنها فى الحلقه السابقه ..

وكان تنويهى هو بالرغم من اننا لانعرف تحديدا

متع الجنه ..

لكن هناك متعه نعرفها وكلنا بندعى ربنا انها

تتحققلنا فى الجنه.. وهى موضوع حلقتنا الاخيرة

معلش لازم اشوقكو .. حد عرفها؟

الحلقه الجاية هى مسك الختام ..اوعى تفوتكم

السلام عليكم ورحمة الله وبركاته