البنات والموضة !!!

إخوانى وأخواتى فى الله أحببت أن أتكلم معكم اليوم عن شيئا أصبح منتشر إنتشارا مبالغا فيه

بل أسوأ انتشار ألا وهوالموضة دلوقتى معظم البنات إلا من رحم الله أصبحوا مهووسين بالموضة

لدرجة إن فى بنات ممكن تسرق علشان تقدر تلبس لبس فاشين وعلى الموضة وشيك وتبقى استايل

علشان اول ما الولاد يشفوها يقولوا ( شايف يابنى البت دى شيك اوى وكاجول موووت بصراحة بت فى الجووون ) !!!!!!!!!!

واللى بقى منتشر دلوقتى العادى يعنى انكوا تلاقوا البنات ماشية لابسة بديهات وجينز وعليها جاكيت يدوبك حتى مش محصل وسطها

ومغطية شعرها ولكن بتعامل الطرحة زى معاملة شعرها بالظبط يعنى اللى مهياش عارفة تعمله فى

شعرها من بعد ما فى نظرها انها كدة اتحجبت بتعمله فى الطرحة فتلاقوها ماشية وعاملة فى الطرحة ورد وحاجات

عجيبة وغريبة وغير دة كلها منزلة القصة وأهم حاجة القصة وتقعد تكوى فيها خمس أيام علشان تبقى ناعمة ومترتبة

كدة وهى منزلاها على عيونها اللى مرسومة وحاطة عليها مكياج لما خلاص عينها هتنطق وتقولها ارحمينى يا مفترية

وغير دة كله المكياج اللى على وشها طبقات طبقات بيحسسونى انهم بيعملوا جلاش !!!

وأهم حاجة بقى البرفان واه من البرفان دة تلاقيها تنشل على برفان ريحته تتشم من على بعد 500 كيلو وتغرق نفسها

وتنقى أفظع صاندل بكعب وتخرج بقى تفتن طوب الأرض وهى معتقدة ان دة الحجاب التمام !!!

واللى يحسسنا بالحسرة بجد إن ورا كل بنت من دول أسد غضنفر قاعد فى البيت !!!!!!!!!

انا مش جاية النهاردة أقول الحجاب المفروض يبقى كذا وكذا وكذا لا لأن شروط الحجاب معروفة أنا جاية أقول إن

ياترى كل بنت مش راضية تلبس الحجاب الشرعى لية ؟؟؟

• إذا خايفة من إنك متتجوزيش : الأرزاق اتوزعت خلاص والله عمر ما الحجاب هيبعد العرسان ومش هيخليكى تتجوزى

لإن قبل ما إنتى تتولدى اتكتب هتتجوزى ولا لأ هتعيشى سعيدة ولا لأ إلى آخره .

• إذا خايفة شكلك يبقى مش حلو : ألا يكفيكى إنك تبقى ملكة جمال الكون وتفرحى ربنا والنبى

صلى الله عليه وسلم بحجابك

وتنصرى الإسلام والمسلمين وتعزيهم بحجابك دة .

• إذا خايفة إن البنات تتريق عليكى وتقول شكلك بقى غريب وبقيتى عاملة زى تيتة الحاجة : يكفيكى شرف إن لو كان فعلا شكلك غريب

هيتحقق فيكى قول رسول الله صلى الله عليه وسلم ( طوبى للغرباء ) .

• إذا خايفة إن مع لبسك الواسع دة خلاص معدش حد هيشوف عودك السمبتيك اللى كنتى بتتباهى بيه :

صدقينى شكل جسمك المتناسق اللى عامل زى

عارضات الأزياء اللى كنتى بتتباهى بيه هتنسى المتعة اللى كنتى بتحسيها وإنتى ماشية تعرضيه مع اول ليلة فى القبر وغير دة كله مع أول غمسة فى النار .

حبيبتى والله أنا مش بخوفك انتى علشان غالية على قلبى أوى أوى أوى وبحبك والله أوى أوى أوى خايفة عليكى

يا جماعة مش عاوزين حسابنا يطول بين يديى الله سبحانه وتعالى عاوزين ربنا يقولنا زى ما سترتى نفسك واتخليتى عن كل كلام الناس

واللى كانوا بيقولوا علشان أرضى عليكى أنا هرضيكى النهاردة

منفسكيش ربنا يقولك كما سترتى نفسك علشانى أنا هسترك النهاردة مبتتمنيش إن ربنا يقولك إدخلى الجنة بغير حساب

فقد غفرت لكى كل ذنوبك مبتحلميش بقصر فى الجنة هتقولى بس انا مش هبقى شيك كدة والله فى لبس محترم وشيك جدا

فصلى هدوم هاتى عبايات متعة اية دى اللى تبقى أخرها عذاب ونار حبيبتى فى الله صدقينى والله هتقولى الجو حر واللبس بيحرر

تذكرى مشهد يوم القيامة وأن النار أشد حرارة وإوعى تخلى الشيطان يسيطر عليكى خليكى قوية بالله وبثقتك بالله ومن ترك شيئا لله عوضه الله خيرا منه .

والسلام عليكم ورحمة الله وبركاته