ازيكم؟؟؟ايه الاخبار؟؟؟
يا رب يكون كله تمام
طبعا كلنا حبينا واتحبينا وفارقنا ناس ونسينا ناس وهيا دى سنه الحياه
الست قالت:امر عذاب واحلى عذاب...عذاب الحب للاحباب
وانا انهارده جايبلكم صورة من صور عذاب الحب...وزى ما هوا امر عذاب...فهوا برضه احلى عذاب
المهم دى حاجه كده انا كنت كاتبها ايام الامتحانات -الله لا يعدها- باتكلم فيها عن الاسئله اللى بتيجى فى دماغ الواحد وهوا بعيد عن حبيبه ويا رب تعجبكو
فكرة
فكرة بتيجى على بالى وتقتلنى
وعيونى ليل ونهار عمالة تسألنى
حأموت واعرف....بجد عايز اعرف
حبيبى اللى غايب عنى
قلبه مال لغيرى ولّا لسه فاكرنى؟
ولسه الفكره بتيجى على بالى وتقتلنى
وعيونى ليل ونهار عمالة تسألنى
احساسى تاه
مكتومه جوايا آه
ويا ترى طيرى لسه حاسس بيا؟
ولّا لغصن تانى طاير وانا راحت عليا؟
يا ترى حس الدفا فى حضن تانى؟
ولّا لسة فى قلبه شوق لأحضانى؟
يا ترى لسة سامع همس قلبى؟
وقلبه لسة بيرتوى من نبع حبى؟
ولّا لحب تانى اخده هواه؟
ولسكة غير سكة حبنا وخداه الحياة؟
ولسة الفكرة بتيجى على بالى وتقتلنى
وعيونى ليل ونهار عمالة تسألنى
السبت 6 سبتمبر - 3:12