اولا الموضوع دا مش منقول يا جماعه دا من كتابتى الشخصية و معظم مواضيعى اصلا مش منقوله shiny.gif
بصراحه انا اول مره اشوف كلام زى دا يتقال و حاجه تزعل بجد
بنسمع الايام دى كلام غريب اوى من البنات و مالوش اى اساس من الصحه و لا العقل
>> الشباب بيغير من تامر حسنى <<
الجملة دى بتتقال ليه ؟؟؟ عشان البيه الشاب مثلا بيكره تامر او مش بيحب يسمعله علطول البنات تقول ان الشباب بيغير من تامر وفى شباب برده بتقول كدا طب ليه ؟؟ مش عيب كدا برده ؟؟
البنت عشان حبيبها تامر الى عمره ما هيبصلها او يعبرها و ف الاخر هيتجوز واحده مش من معجبينه زعلانه عشان فى شباب بيكره تامر
طيب اذا كنا احنا بنغير من تامر زى ما بتقولوا طب ما عمرو دياب احلى و احسن منه مليون مره و ليه شعبيه رهيبه ف كل دول العالم و اكتر من تامر الى عمره ما هيوصله ف يوم من الايام
اشمعنه لو بنت لقت شاب مش بيحب عمرو دياب مش بتقول انه غيران منه ليه ؟؟ دا المفروض cool.gif
و كمان لما نزل ف مجله روتانا من كذا شهر ان تامر اتجوز واحده سوريه لقيت فى بنات كتيره زعلت اوى و اتجننت و حصلها اكتئاب طب ليه ؟؟
ولما الخبر طلع مش صحيح البنات فرحت تانى و رجعت كل حاجه طبيعيه زى ما هيا طب ليه برده ؟؟
مش الراجل ليه حياته الشخصيه و من حقه يعيش و يتجوز زى باقى البشر و لا لازم يفضل مربوط جنبكوا يغنى و خلاص unsure.gif
و البنات بتقول اننا بنغير من تامر عشان نجاحه و مش عارف ايه مع ان دا اصلا شخصيه مش كويسه يعنى و عمرى ما اعتبرته راجل و ف شباب و الله رجاله و برقبته
و أكيد ف ناس عارفه كدا بل و متأكده و أحسن حاجه (( رحم الله أمرا عرف قدر نفسه )) و هوا دا الصح icon30.gif
و تقريبا الشباب فاهمه كدا كويس و البنات معظمهم فاهمين بس بيحبوا يكدبوا نفسهم برده 02728.gif
اسئله كتيره و اجوبه مجهوله لسه منعرفهاش ياريت نشوف اراء البنات و ممكن الشباب كمان بس عايزين نشوف البنات الاول عشان هما اصحاب الرأى هنا اكتر
وياريت تكون الردود بدون تعصب او اساءة لصاحب الموضوع لانى انا بطرح قضية بناقشها سوا و اختلاف الرأى لا يفسد للود قضيه
و انا منتظر اراء البنات اهو و هعلق على كل رد انشاء الله بس ياريت البنات تقول رأيها بصراحه و بدون كدب
smile.gif
الخميس 28 أغسطس - 3:27