رأي الفنانين في نجم الجيل تامر حسني...((حماقي وعزت ابو عوف وغيرهم كتيييير ...)) خش وشوف

راي محمد حماقي :
عندما استضافوه في ميلودي اتكلم فيه عن تامر

ايه رايك في تامر حسني ؟ والله تامر حسني فنان جميل وعلي المستوي الشخصي تامر صديق جميل وهو فنان موهوب ومحدد لنفسه طريق ماشي فيه وانا بحب اغنيه وعندي ال سي دي بتاعه وبحب اسمعه

مين اكتر فنان منافس ليك ؟ بصراحه شديده تامر حسني راي عزت ابو عوف:
كان فيه لقاء في برنامج في دريم مع عزت ابو عوف ومها ابو عوف وصلاح السعدني علي فكره عزت ابو عوف الي اكتشف محمد فؤاد
كلام عزت ابو عوف :من اكتر الافلام الي عملتها الصيف ده و كنت مبسوط جداااا بيها هو فيلم عمر و سلمى بدرجه اولى و بجد انا كنت بمثل و انا مبسوط جدااا عشان مثلت مع النجم الشاب الجميل و الي هو قدم دور ابني في الفيلم و هو فعلا ابني بجد تامر حسني و كمان بنتي الجميله مي عز الدين و القصه رومانسيه كوميديه جداا و الناس دخلت الفيلم و عجبها اوووي و نجح اوووي

راي مها ابو عوف:
طبعا تامر ابني انا كمان مش بس في فيلم حاله حب حتى في الحقيقه و هو فعلا انسان جميل و طيب اوووي و هو ممثل جامد و بجد في مطربين كتار مثلو بس تامر عنده موهبه التمثيل فعلا و انا حضرت الفيلم و هو تحفه

راي الفنان الكبير صلاح السعدنى:
هو فيلم جميل و عنده الاداء المتميز درجه اولى طبعا تامر و مي حبايبي و عزت صديقي و كل الممثليين كانو كويسين اما بالنسبه للقصه فانا حبتها عشان هي رومانسيه و كوميديه وفيها لمسه سحريه جميله بتخليك تحبها مع ان الفيلم اتعرض لشويه مهاجمات فانا بقول لتامر انت عندليب الجيل ده فعلا و فيلمك حلو اوووي و متشغلشي بالك بكلام الجرايد دول اعداء النجاح فقط و بجد احنا محتجينا لافلام الرومانسيه عشان تزرع الحب في العالم الي مبقيوش بيعطو الحب و السلام قدرهم

راي محمد نور: في حوار معه
ما هى علاقتك بتامر حسني ، وما رأيك فيه كفنان ، وفي الأزمة التي تعرض لها هو وهيثم شاكر؟

تامر صديق عزيز علي جداً وأحبه جداً ، وكنا معاً منذ أن كنا في السنة الثالثة الإبتدائي في الكونسرفتوار ، وكان يلعب كرة القدم و"حريف" جداً فيها ،
راي خالد صالح وهند صبري:

كان في لقاء مع خالد صالح في برنامج الشقة على او تي في

اللي مع هند صبري

فطلبت منه هند إنه يشغل سي دي أغنية بيحبها أو فنان بيحبه

فراح مشغل أغنية حيرت قلبي معاك لأم كلثوم وقالها أنا كمان بحب كيفك إنت لفيروز السي دي بتاعها دايما في عربيتي

وبسمعها لما بكون في حالة حب وشجن

المهم ......

هند: بتحب مين من الجيل الجديد؟

خالد: تامر حسني

هند: فنان متكامل

خالد: آه متكامل وموهوب......ولامس الإحساس بتاع جيله

هند: آه صح

راي وائل كفوري:
النجم اللبناني وائل الكفوري استضافته الدكتور هاله سرحان في برنامجها قناة 5 نجوم و قد فاجئ النجم اللبناني الجمهور باللوك الجديد بتاعه و تانيا قد فاجئ الجمهور بغناءها لاغنيه
يا رب انا تعبان
للنجم المصري تامر حسني صديقه و يقول الفنان وائل :
انا مسيحي صح..لكن الاغنيه تبع النجم تامر اثرت فيا كتييييييير و كمان هيا عبارة عن دعاء ممكن لاي حد يدعيه و في الاخر كلياتنا اخوان..و بيقول كمان ان النجم تامر صديقه و هو بيحب يسمعله كتيير و البومه الجديد مذهل فعلا..::

طيب انت نشرت ده ليه انت مره تنشر الحلو عن نجم الجيل تامر حسنى ومره الوحش عنه
انا مش بدافع عشان اقول ان تامر حلو مش وحش
بس براى الفنانين دول فيه اكيد هما عرفينو معرفه شخصيه ويعرفوه اكتر من اى معجب عادى من الجمهمور
انا الشايفاه ان بحب الفنانين دوول كلهم لتامر حسنى يبقى هو فعلا انسان كويس جدا
وانا مش بصدق اى حاجه من البتتقال مش حلوه عن تامر حسنى او حلوه اوى بردو انا مش بعرف احكم على اى شخص غير لما اعرفه شخصيا
وانا معرفوش اكيد شخصيا عشان كده مليش الحق او لاى حد الحق فى انو يصدق حاجه كويسه او وحشه عن تامر حسنى
انا كتبت الكلام ده بس عشان اسال سؤال انت ليه بتنشر الكويس عنه وفى نفس الوقت الحلو عنه ؟
مش انت بس ناااس كتيير اوى ليه ايه السبب
ليه فى ناس بتحاول تكره الناس فى تامر حسنى
ارجو انك متضايقش من كلامى بس ديه فى الاول والاخر مجرد وجهة نظر
لو انت ليك وجهة نظر تانيه من فضلك با ريت توضحهالى انا مستنيه الرد

وياريت اى حد يقرا الانا كتبته يقول وجهة نظروا بردو انا بحب اسمع وجهات نظر ناس غيرى يمكن انا غلطانه وغيرى صح ولا ايه انا مستنيه اى ردود

بصي يا ميرا ... اي نجم في الدنيا وصل للشهرة خلاص بقت العين عليه وبيترصدله الوحش والحلو .... وكويس اووووووووي انك لاحظتي اني بنشر الكويس والوحش ... يعني انا مش زي ناس مثلا بتكره تامر او بتغير منه ... لكن اللي عايز اقوله ان النجم سواء كان تامر او غيره بيبقي عليه العين ..... وانا دوري كمدير او حتي كعضو في المنتدي ده او غيره اني اقول اللي بيتقال عنه ... وانا مش بقول الوحش بس ... وبتجاهل ليه الكويس لكن بقول الوحش والحلو ومش بجيب الحاجة الا صدقيني لما ببقي متأكد منها وبجد ببقي تعبان فيها ... بس الفنا الذكي بجد اللي ميبنش ويعرف ان فنان وانه كل تعامل ليه ليه حساب وان كل كلمة بتتطلع منه ليه حساب ... وكل تصرف ليه مع صحافة او معجبين ليه حساب .... هي دي الفكرة مش اكتر ...!!!؟؟؟

وانا علي فكرة لا بحب تامر ولا بكره ... لكن اللي احبه او اكرهه هو الفن اللي بيقدمه ده اللي ليا الحق فيه اني احبه او اكره .... ولو علي الفن فتامر مذبذب في فنه زي ما هو مذبذب في شخصيته وهفهمك اللي بقوله وياريت تفهميني :
تامر لما يقول : معاك هقدر امش واكمل .. ولو مين جرحني هتحمل .. علشان عيونك يا حبيبي .. اموت بجد ولا اسيبك
دي اغنية ((نور عيني)) ... يعني حاجة مش يختلف عليها اتنين وفعلا يستحق

ولكن تامر لما يقول : اكتر حاجة احبها فيكي هي دي بيما فيها من احياءات "وبجد لو مكنش صورها في الفيلم مكنش هيبقي عليها ضرر ... لكن هو اكد نيته واللي فيها ممن ايحاءات جنسية" طبعا المبرر انه شاب وصغير ... بس الشاب الصغير بيخش صوته كل بيت ولازم يحترم ده وان كل الناس بتتفرج عليه ..!!!!

يعني تامر بيطلع عليه الكويس وبيطلع عليه الوحش ... ودي مش غريبة لأن فنه بردو كدة منه الكويس اوووي ومنه الوحش اوووي .. وده ان دل فيدل انه مش دقيق في اختياراته وان لسة لا يملك من الخبرة والذكاء الكافي ليكون نجم ملوش عيوب ....
ووبصي انا هقول مثل بسيط لو هقارنه بحد .. وومش هقارنه بمثلا ((عمرو دياب)) لانه فوق كل المقارنات وهظل بمقارنته بيه .. لكن مثلا بحماقي ... وده كمان لأ لان ناس بتعترض عليه هقول مثلا : حسام حبيب .. شوفي خياراته وكلماته والحانه ... حاجة مش يقدر حد يقول عليها حاجة ... او مثلا اخلاقياته مع معجبيه او الصحافة ... بلاش ده كمان .. نيجي مثلا لخالد سليم : بردو نفس الشيء ... فتامر حسني هو اللي بيصير حوليه الجدل في اختياراته وتصرفاته ... فمرة نعليه السمااااااااا ومرة ميبقاش لينا اكتر من ان نقول انه مش كويس ... وعلي فكرة انا بحب اغاني كتيييير ليه وفي اغاني بكرهاله كتير وزي ماقولت ليه ؟؟؟


ياريت تكون وجهة نظري وصلت ... وعلي فكرة عايز اقولك حاجة
خدي اللينك ده :
https://www.facebook.com/board.php?uid=53402845765#/topic.php?uid=29409992038&topic=9513

هتلاقيه توبيك علي الفايس بوك ... والتوبيك ده بتكلم في عن ((شريط عمرو الجديد)) وبعترض علي حاجات فيه ...
وده اكتر حد بموووووووت فيه بمعني الكلمة .. كشخصية وكفن وكاكل شيء.... يعني من الاخر بحب ((عمرو)) كله علي بعضه ... لكن لما كانتت في حاجات في الشريط والبوستر مش عجبوني قولت رأيي ومش نافقت ... ياريت تكون وجهة نظري صلت ...!!

ومستني ردك ..



ويالا سلام ..,
JaMa .. THe Boss

وجهة نظرك جميله جدا وبجد اقنعتنى انا تقريبا الفهمت غلط على العموم ميرسى انك اديت من وقتك ليا عشان ترد على الرساله وميرسى على وجهة النظر الجميله