اسمع و شوف حكاية اتنين أحباب
حكاية قلبين اتقابلوا و افترقوا من غير عتاب
حبيتها من كل قلبي و حبها طلع السراب
افتكرته بر الأمان بعد سنين من العذاب
يا ريتني زمان سمعت كلام كل الأصحاب
لما قالوا ان الحب ممكن في لحظة يكون سراب
رديت ده كله كدب و قلت ايش جاب لجاب
و مشيت وياه لوحدي في طريق كله ضباب
و كانت ايديها في ايديا ماشيين من غير حساب
و لقيت الطعنة جايه فيا من أغلى الأحباب
و كنت أنا الضحية و طلع في النهاية انا الكداب
و مشيت و جرحي بينزف و سؤال من غير جواب
كان ليه تضحك عليا و تعيشني فوق السحاب
و تقولي انت أغلى هدية و تبيعني برخص التراب
خلاص بتهون عليا مهما هيطول الغياب
و لو دار الزمان بينا و رجعت تدق الباب
ه**ر قلبي بايديا و أمشي ببرود أعصاب
و لا أسيبها تلعب بيا و أعيش تاني في عذاب
ده الجرح أثر فيا و قلبي من حزني شاب
و هي دي حكاية اتنين كانوا أحباب
اتقابلوا مرة صدفة و افترقوا من غير عتاب
منقول ..
يالا سلام ...,
الإثنين 8 سبتمبر - 16:51