طرق تقول بيها احبك
لو مخطوبين
- اشتري ليها 11 وردة حمرا ووردة بيضا واكتب كارت صغير بتقول فيه "في وسط كل باقة ورد فيه وردة واحدة مختلفة.. الوردة دي إنت!"
- حاولي تفتكري تواريخ الأيام الحلوة اللي كانت مهمة في علاقتكم، واحتفلوا بيها سوا.
- اهدي له مخدة عليها أول حرف من اسمه وأول حرف من اسمك عشان يفتكرك قبل ما ينام.
- اهدِ ليها ديوان شعر وعلم على الأجزاء اللي بتفكرك بيها فيه.
- اعملي له شريط كوكتيل بأغا*** المفضلة.
- فاجئها بتذكرتين لحفلة سينما لفيلم هي كانت عاوزة تشوفه.
- اهديها صورة ليك وإنت صغير.
- اشتري ليها نبات عشان تفتكرك كل ما ترويه.
- فاجئها بوجودك لما تكون مش متوقعاه.
- اشتري ليها حاجة ممكن تتحط في بيتكم في المستقبل (أي حاجة صغيرة ممكن تزين البيت).
لو متجوزين
- حضر لها فطار في السرير.
- خبي له كروت فيها كلام رقيق تحت المخدة أو علقيها على الثلاجة.
- ارجع البيت وفي إيدك وردة ليها.
- فاجئها بإنك أخدت أجازة تقضي معاها فيها شهر عسل جديد.
- املا أوضة النوم بالبالونات!
- لو نزلتم تشتروا حاجات ولاحظتِ إن فيه حاجة بالذات عجبته، خدي بالك من الحاجة دي واشتريها ليه بعدين.
- حضري له عشاء على ضوء الشموع.
- اتبرع بإنك تقوم بأعمال البيت في يوم (للرجالة طبعا).
- اطبخوا سوا.
الإثنين 8 سبتمبر - 21:15
