ليه دايما الناس اللي بتفرق معانا .. وكنا ما صدقنا قابلناهم
هما اللي بيسيبونا و يمشوا
من غير كلمة وداع واحدة
من غير اي مقدمات
و هو احنا كنا عملنا ايه ؟ مش عارفة بس
ليه بنكتشف ان احنا كنا مقصرين في حق حد .. بس بنعرف دا بعد فوات الاوان
ما هو كان قدامنا طول الوقت
دلوقتي بس عرفت
دلوقتي بس عايز ترجع بالزمن تاني
عشان تقول للحد ده..انت طلعت غالي عندي اوي
ليه كلو بيمشي فجاة من حوالينا
كلهم مشيوا و معدش حد موجود
و بقيت لوحدي
و هو ايه الجديد
ما انا طول عمري لوحدي
يا ترى مين هيرجع يسال عليا
ومين باعني و ما صدق خلص مني
و ياترى هرجع اشوف الغالي ..و اقوله انت غالي عندي
يا ترى هيرجعوا تاني؟؟
ولا هقابل ناس تانية ؟؟
ــــــــــــــــــــــــــــــــــــــــــــــــــــــــــــــ
هو دا اللي انا حاساه دلوقتي
هي شخابيط....بس شخبطة بالكلام
مش شرط يتفهم منها حاجة
و لو فهمت او حسيت منها حاجة قول
و التوبيك مفتوح
لكل اللي عايز يشخبط
اكتب و عبر عن نفسك
و مش شرط نفهم حاجة
الأحد 14 سبتمبر - 4:55