في اول صفحه..كانت الفرحه...وكان مكتوب اسمي واسمك
وتاني صفحه....جناين طارحه....شفت الجنه بجد في حضنك
وتالت صفحه....بريئه مسامحه....وطيب وحنون جدا قلبك
واخر صفحه....خاينه وجارحه....وكلمه اخيره الله يسامحك
كتاب مليان كلام ووعود
وحب موجود ومش موجود
وكدب فاق كل الحدود
وسنين عشت فيها موهوم
وقلب عنده الف طريقه
يعمل المتهمه بريئه
شفت في عينيكي الحقيقه
ونزلت دمعة المظلوم
منك للأيااااام والدنيا
ووفرصه سعيده ومره تانيه
لو سمحتي عايزك ثانيه
معلش تعالي واتنازلي
قادر اهد عليكي المعبد
قادر اسيبك وابعد وابعد
وقادر اذلك وافضل واعند
لكن فعلا ولا تستاهلي
صفحه قديمه....ملهاش قيمه....مبقاش ليها وجود في حياتي
صفحه طوتها....بأيدي رمتها.....انا هبدأ من جديد حياتي
صفحه جديده.....مفيهاش طيبه.....وده اول درس ف حيات
صفحه جديده.......وانتي بعيده.....يا اسوأ ما ف ذكرياتي
--------------------
الأحد 14 سبتمبر - 5:05