النهاردة انا ححكى ليكو حكاية غريبه فعلا........
كان ولد كويس مؤدب عايش فى حاله لا بيأذى حد ولا بيزعل حد و عمره ما عاش اى قصص حب كان مشغول فى دراسته و بس و فى يوم قابل إنسانه صدفه إنما كانت أجمل صدفه إنسانه زى السما الصافيه روحها خفيفه و قلبها ابيض إنما كانت عنيده يصعب على اى حد إنه يقرب لها و لأنه ولد بسيط فعاملها بشكل بسيط معاملة عادية إنما كانت عنيده جدا معاه و فين و فين لما قدرت تفهمه و ابتدت الحكاية بزماله عادية و ابتدت تزيد يوم عن يوم لغاية لما الولد اتعلق بيها و زادت غلوتها فى قلبه كان ديما يدور عليها و ديما فى باله و بعد مدة اعترفت ليه إنها بتحبه لكن هو رفض حبها على الرغم إنه كان بيموت فيها إنما كان خايف ليجرحها و يسبب لها ألم لكن ابتدت هى تتغير من نحيته و تبقى حاجه تانية و لما الولد خاف أحسن تضيع من إيده اعترفلها و قالها إنه خايف عليها و على مستقبلها و خايف الحب ده يأثر على دراستها إنما كان على العكس الحب كبر بنهم و فضل يزيد و يزيد و حبهم ده بقى دافع ليهم للنجاح و هو نجح أكتر و هى نجحت أكتر لكن فضلت فى مشاكل بتحصل بنهم لأنها مش قادرة تفهم إنه إنسان بسيط ممكن يغلط ممكن فى غضبه يقول كلام من ورا قلبه و فضلت مشاكل تحصل بنهم لأن كانت ديما تسوء بيه الظن و تفكر فى كل كلامه من واجه معقده و الولد يفهمها و يقولها أنا بحبك و مش حعيش من غيرك و هى تقوله إنها بتموت فيه و هو كل حياتها كمان الولد أثر عليها فى حياتها خلاها بقت أسعد و احسن بكتير من قبل ما تعرفه لكن فى النهاية الحب بنهم كان شئ فوق الخيال حاجه كده يصعب الكلام إنه يوصفه لكن زى ما ديما بنسمع الدنيا مش بتخلى حال على حال فى يوم كان الولد فى مشاكل شديده أوى و صادف و قابلها و لأنه كان مضايق والكلام شد بينهم و لانها عنيده ظلت تكلمة بكلام شديد أغضبه و مع الأسف قالها كلام جرحها أوى و هو ميقصدش خالص لكن هى اخدت الكلام بجد و حصلت مشكلة كبيرة بنهم و بعدت عنه و هو بعد عنها و قعدوا أيام بعيد عن بعض و الولد بيطمن عليها من بعيد و هى مش واخده بالها ولا حسه بغلوتها عنده و جه يوم الولد قلق عليها بشكل كبير و ظل يبعتلها فى رسايل و يتصل بيها و هى مش بترد و بعد مدة ردت عليه بعد ما كان القلق حيموته و لقاها منهاره مش عاوزه حتى تسمع صوته و لا عاوزه تفتكر سيرته . ياه معقول شئ مش معقول يا ترى كلامه كان جارح أوى كده عشان يتحول الحب الكبير ده الخيالى للمنظر ده ؟ طب يا ترى هى كرهته فعلا؟ طب هل إعتذاره ليها مش كفاية إنها تسامحه زى ما سمحها قبل كده مليون مره لما كانت بتظن فيه السوء؟
هل دى نهاية للحب الأسطورى ده؟ هل الولد غلطان؟ طيب مهو الإنسان مش آلة تقدر تفصل بين مشاعره يعنى يبقى بيتقطع من داخله و يضحك و سعيد من بره هل هى دى غلطة الولد إنه كان لازم يبقى إنسان آلى كمان هى استفزته بكلامها طيب هو كان المفروض يمسك نفسه مهما حصل و مهما قالت و يبقى زى لوح التلج .
دى هى كل الحكاية و بعد حادثة الإتصال دى و بعد ما الولد حس إنها مش طيقاه و مش قادرة تكلمة و كل محاولاته كان نهايتها الفشل تفتكروا يعمل إيه ؟؟؟؟؟؟؟؟
يا جماعة القصة دى حقيقة و هى بتعاصر وقتنا الحالى فياريت تشاركوا برأيكم و تقولوا للولد ده ممكن يعمل إيه هل يحاول تانى ولا يبعد عنها بعد موقفها ده ياريت تقولوا رأيكم بحكمة أرجوكم مع العلم إنه بيحبها أوى و مش قادر يستحمل بعدها..؟؟؟؟؟
الأحد 14 سبتمبر - 6:02